Atualità

Dai 18 ai 21 de jenà dl 2016 sarál poscibl da fá les iscriziuns di mituns tles scolines dles valades ladines por l’ann de scolina 2016/17.

Musicologia y injenieria industriala mecanica – te chisc dui ciamps jarára tl dagní da fá n master al’Université de Balsan. La junta provinziala i á aprové incö (ai 22 de dezëmber).

L’elaburazion de material de nseniamënt adatà, la furmazion permanënta dla maestres y di maestri y la ndesfidedes tla scoles elementeres ladines ie states la tematiches zentreles de chëles che l assessëur Florian Mussner y l intendënt dla scoles Roland Verra à rujenà n ch’sta dì cun la diretëura Maria Kostner tla scola elementera de Urtijëi.

Stlüta jö na formaziun musicala de 2 agn y 13 modui y 8 laboratori por 15 educadësses dla scolina organisada dal Ciamp inovaziun & consulënza en colaboraziun cun l’Ispetorat y la Direziun dles scolines por se cualifiché por l’educaziun musicala por mituns y mitans dai 3 ai 6 agn.

Les biblioteches provinziales dla Teßmann y dla Claudia Augusta restará davertes dai 24 de dezëmber cina ai 6 de jená tratan cinch dis.

Te döes incuntades, öna a Urtijëi y l’atra a San Martin, ti á i rapresentanc dla scora ladina presenté al personal didatich interessé l’adatamënt dla reforma scolastica „La Buona Suola“ ala normativa provinziala y les novités por le sistem scolastich ladin. Le proscim vare sará sëgn l’elaboraziun de n dessëgn dla lege da pert dla Junta provinziala adöm cun les trëi Intendënzes scolastiches.

Chi che frecuentëia danter otober 2015 y setëmber 2016 n curs de lingaz forest o n curs tl secundo lingaz (todësch o talian) pó damané do n stipendium. La Junta provinziala á aprové incö (ai 9 de dezëmber) les bandides de concurs. Les domandes por la conzesciun de n stipendium pó gní presentades cina de jená dl 2016.

Inier, domënia ai 06 de dezëmber, él gnü presenté a Al Plan l’autobiografia de Eduard Pizzinini, personalité conesciüda tl Comun de Mareo y surafora. Sües recordanzes pó sëgn gní lites do tl liber nü „na vita al sorvisc dla scora y dal paisc“ dé fora dal Ciamp Inovaziun y Consulënza dl Departimënt Educaziun y Cultura ladina.

La pröma incuntada d’informaziun sön l’adatamënt dla reforma scolastica statala “La Buona Scuola” ala normativa provinziala y les novités por le sistem scolastich ladin é gnüda tignida inier jöbia, ai 03 de dezëmber, a Urtijëi.

La scemplificaziun dl’ortografia dl ladin scrit dla Val Badia é gnüda aproada de merz dl 2015. Ti ultims mëisc á indöt 150 insegnanc y insegnantes dles scores y scolines dla Val Badia tut pert a cursc d’ajornamënt che reverda les regoles ortografiches nöies. „N sëgn che l’interes é gran y che la reforma vá tl dërt vers“, insciö l’assessur Mussner.