Atualità

  • Olimpiades de talian a Roma: Lisa Verginer y Philipp Augschöll pro i mius

    Lisa Verginer y Philipp Augschöll tratan la manifestaziun de premiaziun dles Olimpiades de talian a Roma.

    Indöt 84 partezipanc á tut pert en vëndres ai 18 de merz ala fasa finala dles Olimpiades de talian a Roma cun concorënc da dötes les Regiuns dla Talia, mo ince dal’Algeria, dala Grecia, dala Germania y dala Spagna. Por le Südtirol á tut pert Lisa Verginer da San Martin de Tor y Philipp Augschöll che é stá bugn da arjunje resultac demorvëia.

  • Biblioteches provinziales stlütes dai 25 ai 28 de merz

    Trames döes les biblioteches provinziales da Balsan, la „Claudia Augusta“ y „Dr. Friedrich Teßmann“ lacia alsavëi che les biblioteches restará stlütes da en vëndres ai 25 cina en lönesc ai 28 de merz.

  • Scolines: Ejams de idoneité da d’altonn 2016 inant

    Cun l’ann de scolina 2016/17 gnarál scrit fora de plü concursc por le personal didatich y pedagogich dles scolines dles trëi Intendënzes. Chësc é gnü stabilí inier, ai 15 de merz, dala Junta provinziala sön proposta dl’assessuria por le personal Waltraud Deeg.

  • Dala Junta: 11 profii de profesciun nüs por le lernerat

    Aprová dala Junta 11 profii de profesciun nüs por le lernerat.

    Dal florist, al moler, al tlomper y ai istaladus:sön proposta dl assessur Philipp Achammer á la Junta provinziala aprové incö (ai 15 de merz) i ordinamënc formatifs por 11 profesciuns dl lernerat cun cualifica y diplom profescional.

  • Integraziun: Brosciüres de sostëgn ai geniturs y al personal didatich

    L’assessur por la scora ladina Florian Mussner adöm al’ispeturia Carla Comploj y ales auturies Irene Costa y Olimpia Rasom (Foto: www.provinzia.bz.it/news)

    Acompagné y alisiré l’intlujiun de mituns migranc tles scores ladines: chësc é le fin prinzipal dla brosciüra nöia „Educaziun tles valades ladines“ che é gnüda presentada da püch a Al Plan de Mareo y a Urtijëi dal Sorvisc de Consulënza psicopedagogica y por l’integraziun dl’Intendënza ladina. „L’integraziun é n valur important dla scora ladina y i proiec le desmostra“, dij l’assessur Mussner.

  • Istitut cultural ladin Micurá de Rü: finanziamënt de 1,2 miliuns de euro

    La presentaziun y publicaziun de libri nüs é un di compic dl Istitut Ladin "Micurá de Rü". (Imaja: USP/Istitut Ladin)

    Cun 1,2 miliuns de euro sostëgn la Provinzia te na manira consistënta ince por le 2016 les ativités y le program dl Istitut cultural ladin „Micurá de Rü“. La Junta provinziala á aprové inier (08/03) sön proposta dl assessur Florian Mussner chësta soma sciöche finanziamënt dles ativités dl zënter de competënza culturala a bëgn di ladins, di cosć dl personal y dla formaziun por adulc.

  • “Affenwetter”: Na vernissage dla Scola prufesciunela Cademia

    Una dles operes d’ert dla vernissage (Foto: USP/Scola prufesciunela per l artejanat artistich Cademia)

    Da udëi mo nchin ai 19 de merz sarà la vernissage “Affenwetter” tl atelier dla Lia Mostra d’Ert de Urtijëi sun Plaza Sant Antone: de ndut 22 studëntes y studënc à realisà de plu operes d’ert tl cuntest dl curs de spezialisazion per scultures dla Scola prufescionela per l artejanat artistich “Cademia” de Urtijëi. La ntreda ie debant.

  • Dala Junta: löm vërda ala mudaziun dl ordinamënt sön le lernerat

    Lernerat sciöche formaziun profescionala: löm vërda ala mudaziun dl ordinamënt

    Cun la reforma dl marcé dl laur (Jobs Act) dl govern Renzi mëss ince la Provinzia de Balsan se fistidié por atué n valgönes mudaziuns che reverda l’ordinamënt dl lernerat. Le dessëgn de lege é gnü aprové dala Junta provinziala: al é preodü na norma ad hoc por garantí l’ejam de maturité al intern dla formaziun duala.

  • NVIT Brosciures sun la ntegrazion: presentazion a Al Plan y Urtijëi

    Acumpanië y alesiré la ntegrazion tla scoles y scolines ladines cun cunsëies y nfurmazions d’utl: chësc ie l fin de doi brosciures nueves svilupedes dal Serivisc per la Consulënza psicopedagogica y per la ntegrazion dla Ntendënza ladina per i genitores cun n background de migrazion y per l personal didatich/pedagogich. La brosciures nueves unirà presentedes ai 07/03 a Al Plan y ai 09/03 a Urtijëi.

  • De internazional dl lingaz dla uma – Mussner: „Richëza y porta sön le monn“

    „La promoziun dl lingaz dla uma te n contest plurilingual é un di obietifs prinzipai de nosc sistem scolastich che vëgn renforzé y svilupé inant tresfora“, dij l’assessur por la scora ladina Florian Mussner en ocajiun dl De internazional dl lingaz dla uma che vëgn festejé ai 21 de forá.