Comunicat stampa

La persunalità dl Dalai Lama à (NCUEI) ai 10 de auril trat adalerch la mascima autoriteies politiches, istituzioneles y de dlieja tl palaz Widmann a Bulsan: per chësta si persunalità che se à daniëura mpenià per na soluzion dla mendranza dl Tibet zënza adurvé viulënza, ti à la Jonta provinziela sëurandat l pest dl Südtirol per la mendranzes.

USP – Ghest de unëur: puech dan mesa la cater ie (NCUEI) ai 9 d’auril Tenzin Gyatso, l 14esim Dalai Lama ruvà da Minca a Bulsan. Sun l aeroport de Bulsan al giapà l bënunì dal presidënt dla Provinzia Luis Durnwalder, da chël che l giaterà duman l pest dl Südtirol per la mendranzes.

USP – Da 25 ani ne iel nia stat tan truepa iscrizions tla scoles autes ladines sciche per l ann de scola che vën. Tla scoles autes y prufescioneles di luesc ladins se a scrit ite 11 percënt de plu jëunes y jëuni permez al ann passà. Dala scolines nchin ala scoles autes paritetiches ladines saral tl ann de scola 2013/14 de ndut 3.278 sculeies.

La dezijion de fé l metrobus da Kaltern a Bulsan, la realisazion de n parcours per prejenté la provinzia de Bulsan sciche KlimaLand, la situazion critica n cont dla candidatura a deventé capitela culturela europea 2019, la trasses da ruvé permez ala tunel dl Prëner y i tëmps te chëi che la Provinzia paia la contes ie stai i argumënc prinzipei tratei dala Jonta provinziela ai 08 de auril y prejentei te cunferënza stampa dal presidënt Luis Durnwalder.

USP – Cun l inuem de KlimaLand uel la Jonta provinziela mëter l Südtirol n mostra sciche ejëmpl n cont de cunsum de energia y adurvé energia alternativa. (NCUEI) Ai 8 de auril ala dat pro na l’idea de taché adum i proiec da mustré dant. Ntan i proscimi 15 ani dëssa l’Aministrazion publica y privac fé nvestimënc per 158 milion per mustré su l Südtirol sciche KlimaLand.

USP – Do che Unieja semea de ulëi lascé tumé la candidatura dl Nordest dla Talia per deventé Capitela culturela europea 2019, à l presidënt dla Provinzia Durnwalder (NCUEI) ai 08 de auril dit che dan crì d’autra pusciblteies iel mo da se la fé ora cun Unieja.

USP – Canche la ferates furnerà tres l tunel dl Prëner, ne puderales nia se mpifé tl raion danter Pruca y la sëida cun l Trentin. Per chësta rejon se mpënia la Jonta provinziela che l vënie purtà inant la trasses da ruvé permez al tunel. (NCUEI) Ai 8 de auril à i assessëures provinziei dat pro che la trassa dëssa unì purteda ite ti planns urbanistics chemunei.

USP – La firmes che à fat lëures per la Provinzia de Bulsan muessa, do che l ie unì scemplificà la pruzedures, me plu aspité 25 dis che l ti vënie paià ora la contes. A chësta maniera ti juda la Provinzia a firmes che à dificulteies de licuidità finanziera.

USP – Ntan la senteda da (NCUEI) ai 08 de auril à la Jonta provinziela valutà n studi de fatibltà per n metrobus tl Überetsch per miuré l trasport publich danter Kaltern y Bulsan. I assessëures ie stai a una che l dëssa unì realisà chësc mesun de trasport che costa scialdi de manco che n tram y che se lascia nce realisé plu aslune.

USP – La lores che l ann passà d’auril fova ruveda sota n auto a Kollman, sarà da udëi tl Museum Natura a Bulsan. Na sezion nueva de chësc museum dedicheda al lores y al lëuf che ruva inò tl’Elpes unirà giaurida n lunesc, 15 de auril dal presidënt dla Provinzia Durnwalder y l’assessëura Kasslatter Mur.