Comunicat stampa

USP – Tl Südtirol vivel 40.000 persones cun handicap. A chësta persones, dantaprima i 3000 che à n majer handicap, uel la Jonta provinziela ti seguré l daunì. Cun l plann per persones cun handicap iel (NCUEI) ai 19 de merz unì udù dant agevolazions per ruve pra n lëur, pusciblteies da viver y de assistënza.

USP - La Jonta provinziela à (NCUEI) ai 19 de merz delibrà l’istituzion de n’agenzia per scrì ora lëures y ncëries publiches. Chësc servisc nuef dla Provinzia pieta cunsulënza y sëurantol nce l scrì ora per duta la istituzions publiches. Si lëures puderà riesc mëter man.

USP – La Jonta provinziela de Bulsan se à (NCUEI) ai 19 de mei dat ju plu a puntin cun la diretives per i chemuns n cont dla nueva chëuta unitera di chemuns IMU. De plu agevolazions ie bele ududes dant, ma dan na dezijion definitiva se à i assessëures damandà mo vel calculazion plu avisa.

USP – Nteressei a nsenië l proscimo ann de scola tla scoles di luesc ladins possa nchin ai 12 de auril de ju dumanda per unì tëuc su tla graduatories de istitut. Chiche ova bele fat dumanda per la graduatories provinzieles di nsenianc y ova dat sëura la preferënza, ne muessa nia plu fé chësta segonda dumanda.

USP - N merdi ai 20 de merz saral sun la streda danter Tluses y Puntives for inò da aspité per pudëi passé. L Servisc per la stredes à per chësc di prugramà lëures sun streda.

USP – Nchin ala fin de merz, te passa doi enes, à sculeies che finerà chësta ann la mesana mo dl’aurela de se scrì ite ala scoles autes. Chiche ne à mo nia tëut na dezijion dëssa se de jù plu a puntin cun cie che l vën pità. Tla valedes ladines iel cin scoles autes da crì ora: doi istituc tecnics economics, n lizeum liniguistich, n lizeum d’ert y na scola prufesciunela.

USP - La biblioteca provinziala Friedrich Teßmann Ves inviëia deboriada cun la ciasa edituria Folio y Literatur Lana ala letöra dl’auturia Roberta Dapunt, che liarà ai 27 de merz fora de so liber de poesies „Nauz“ che é gnü publiché da Folio. Alma Vallazza à fat la traduziun dles poesies dal ladin al todësch.

USP - N iede fé tuedes de usanzes, tradizion y cunescënzes cultureles che manacia de jì perdudes te Gherdëina y pona les mëter a desposizion dla cumenanza: chësc se à l Museum Ladin Ciastel de Tor tëut dant fajan pea l proiet interreg ECHI che ie unì prejentà (NCUEI) ai 13 de merz a Bulsan. Te na culaburazion danter de plu regions talianes y ciantons svizeri vëniel laurà cun la medema metodologia scientifica laureda ora da esperc.

USP – Presidënt o presidënta, sculé o sculea: leges provinzieles, urdenanzes y delibres dla Jonta provinziela muessa unì scrites te na rujeneda nia descriminënta. La basa per n’adurvanza valiveda dla rujeneda ie publichedes sun la plata web dl’Aucatura dla Provinzia.

USP – L program di lëures per la fibres otiches tl 2012, la cuntestazions dla Provinzia per la spartizion di 40.000 euro per chemuns ujins, deberieda cun i priejes dl penzin, la perjon nueva y la lege per l cumerz ie stai i argumënc zentrei dla senteda dla Jonta provinziela ai 12 de merz da pont de ududa ladin. Tla cunferënza stampa riesc do la senteda à l presidënt Luis Durnwalder cunedì sëuraprò mo vel auter argumënt che ie unì tratà.