Comunicat stampa

USP - La Jonta provinziela de Bulsan à dat pro i programs di lëures publics da chëst ann. Sun pruposta dl assessëur Florian Mussner iel (NCUEI) ai 27 de fauré unì dat pro 98 milion de euro per frabiché stredes, 45 per mantenì stredes y 65 milion per frabiches.

USP - L Guviern talian à cuntrastà la lege finanziera dla Provinzia de Bulsan te de plu ponc. La Jonta provinziela à (NCUEI) ai 27 de fauré fat ora te tenì dala sia y de ulëi tenì permez ai recursc. La se trata danterauter dl’esenzion dla njonta IRPEF, na mëndra chëuta sun i auti y l colaudo di camions.

USP – Dlongia la forma nueva de dé sëura i gesc’ vëniel te chësc mumënt nce azetà la forma tradiziunela. Chësc fej al savëi l assessëur al turism Hans Berger. L dé sëura per via eletronica à mo vel dificulteies, perchël vëniel ntant azetà la forma tradiziunela.

USP - Isabell Pitscheider de Sëlva y Petra Polli de Sëuc à venciù l cuncors de grafica per l cuiertl de doi libri nueves de leteratura ladina. La grafiches unirà adurvedes per i libri di pec letereres che ova venciù l cuncors “Autëures Ladins Scrij”, scrit ora dal Assessorat provinziel ladin.

USP – Le Statut d’Autonomia é la basa por la majera pert dl svilup sozial y aministratif, sciöche ince dla posiziun politica dl Südtirol ti ultimi 40 agn. L’Ofize stampa dla Provinzia de Balsan à sëgn dè fora n’ediziun nöia dl Statut d’Autonomia nü. Te chësta secunda ediziun él por le pröm iade ince gnü publiché la Costituziun taliana, la lege statala sön i provedimënc por la popolaziun dl Südtirol dl 1972 y la lista dles normes de atuaziun, por ladin.

USP - Ince tl 2012 gnaràl organisé, do le gran suzès di agn passà, i Dis de educaziun politica, sciöche cooperaziun inanter i Ofizi por la formaziun y i ciamps por la Inovaziun y Consulënza dles trëi Intendënzes scolastiches. Le fin di Dis de educaziun politica é chël de sotligné al publich l’importanza dl’educaziun politica tres de vigni sort de intervënc y aziuns tl tëmp dles döes edemes inanter aurì y mà.

USP - La mostra mostra dla ferata de Gherdëina danter lecorc y vijions, tl Tublà da Nives te Sëlva, resterà davierta nchin a Pasca, ai 8 de auril. L Museum Ladin Ciastel de Tor à metù a jì modiei documënc uriginei, video y passa 100 fotografies dla ferata che dan 95 ani ova scumencià a furné da Tluses nchin te Plan.

USP – I pruvedimënc dl Guviern Monti à nce (NCUEI) ai 13 de fauré fat ora gran pert di argumënc zentrei dla Jonta provinziela. Do plu enes de preparazion y tratatives iel, per ntant, unì stlut ju la cuestion dla liberalisazion cun na pruposta de lege. Te cater ponc vëniel fat recurs al prim pachetl de pruvedimënc de sparani dl Guviern Monti. Per sparanië grunt da frabiché dëssa l IPES nuzé l bonus de cubatura per ressanamënc energetics. La puscibltà de smendrì 5% dl’ëures de scola ie unida trata de reviers.

USP – Te si senteda da (NCUEI) ai 13 de fauré à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres.

USP – Te cater ponc se pera la Jonta provinziela contra l prim decret de sparani da pert dl Guviern Monti. Da Bulsan se peren contra l dërt dl Stat de tò ite per ntier la chëutes spezieles, contra la nueva chëuta per puscions IMU, contra l macë de n’acurdanza sun la pert che l Südtirol dëssa paië y contra la mpustazion de smëndrì i cunsëies de aministrazion dla strutures publiches.