Sustëni finanziel
Tl ciamp dla cultura possel unì cunzedù sustënies finanziei aldò dla Lege provinziela per l'ativiteies cultureles di 27 de lugio 2015, n. 9. I sustënies ie regulamentei a puntin da criteres aldò dla deliberazions n. 886 dl 09.08.2016, n.1127/2016 y n. 111/2017. L possa unì sustenì l'ativiteies che vën do:
- l'atività culturela anuela
- i proiec culturei
- l'atività artistica
- l'atività editoriela
- l' atività de educazion y furmazion
- nvestimënc culturei.
La Jonta provinziela numinea, per l tëmp dla legislatura y sun pruposta dl cumëmber dla Jonta provinziela cumpetënt, consultes cultureles sciche organs consultifs per uni grupa linguistica. La consulta dà bënsteies n cont di vantajes economics che reverda l'atività culturela anuela, i proiec culturei, l'atività artistica y i nvestimënc culturei.Cun deliberazion dla Jonta provinziela n. 358 di 14.05.2019 ie la Consulta culturela per la grupa de rujeneda ladina unida numineda. Pert dla Consulta fej:
- Daniel Alfreider
- Sabine Piazza (2019, 2020, 2021) / Lara Moroder (dal 2022 inant)
- Konrad Tavella
- Christa Kasslatter
- Ludwig Rindler
La dumandes per n sustëni de na publicazion vën tratedes da na grupa de esperc metuda adum da Olimpia Rasom, Leander Moroder y Isabella Ties.
La dumandes de contribut per ativiteies de carater educatif y formatif vën tratedes da na grupa de esperc metuda adum da Giovanni Mischi, Irene Costa y Emanuel Valentin.
Dessot pudëis ti cialé ala formes desvalives de sustëni.
