Comunicat stampa

  • Turism tl Südtirol ntan l mëns de merz 2004

    Aldò dla nrescides dl ASTAT ie la cumpëida di turisc’ ruvei adalerch tl mëns de merz 2004 caleda de 15,3% permez al medem mëns tl ann passà. Pra la nuetes afitedes ie la cumpëida tl medem mëns jita jù de 8,2%. La prima nfurmazions sun la sajon da invern 2003/04 da nuvëmber nchin a merz mostra purempò n aumënt de 7,6% pra i turisc’ ruvei adalerch y de 5,0% pra la nuetes afitedes.

  • Assessëures ala scola sun l slargië dl’Union Europea

    USP – Cun l slargië dl’Union Europea de viers dl est giapa la scola la ncëria de ti giaurí l’udleda ala generazions nueves de viers dl’Europa. Cun chësta idea tol i trëi assessëueres ala scola, Florian Mussner, Otto Saurer y Luisa Gnecchi posizion sun l zapé ite tl’Union Europea da pert de disesc paejes. Furmazion y scola giapa na funzion zentrela tl ji permez ala barieres cultureles y de rujeneda, nscì la tëuta de posizion.

  • Prudoc dl Südtirol pra l juech de serie A a Milan

    USP – Prudoc de cualità dl Südtirol da ciarcë ie unic pitei n dumënia passeda tl stadio "Giuseppe Meazza" a Milan pra l juech al palé de serie A danter Inter Milian y Lazio Roma. L Südtirol sciche sponsor ufiziel de juech à nvià a na presentazion de prudoc tla pertes resservedes ai VIP. La Provinzia ie unida rapresenteda dal assessëur Werner Frick.

  • La cunvenzion sun l tunel dl Brëner vën sotscrita a Viena

    USP – Duman da sëira, vënderdi 30 de auril uniral a Viena sotscrì l protcol nternaziunel danter l’Austria y la Talia per fé l tunel y la linia dla ferata nueva dl Brëner. L preisidënt dla Provinzia Luis Durnwalder sarà ënghe presënt.

  • Udiënzes dl Aucat Populer

    Tl’ena danter l 3 y l 7 de mei tën l aucat populer de plu udienzes. N juebia ai 6 de mei nce a Urtijëi.

  • Ejam pratich per mëinacrëp

    Usp – Per pudëi fé pea i cursc de basa da mëinacrëp, muessen danora avëi n ejam pratich de amiscion. Dal 4 al 6 de juni 2004 ie l proscim ejam de amiscion per chël che n possa se lascé nuté su nchin ai 14 de mei.

  • Dumandes de suvenzion per la pension dla ciasarines nchin ai 30 de auril

    USP - Ciasarines che uel paië ite de si bona per la pension per arjonjer i ani damandei, possa nchin ai 30 de auril damandé n aiut dala Region. Nsci vëniel fat ala savëi dal Ufize provinziel per preudënza soziela ntegrativa.

  • Senteda dla Consulta Ladina per i Jëuni

    USP – La Consulta Ladina per i Jëuni à pra si ultima senteda dat l bensté sun l cuntribut per frabiché l zënter nuef per jëuni, ert y cultura a Urtijëi. A una se à l cunsëi de consulënza per cuestions di jëuni ladins nce mustrà per l program de atività y nvestizions.

  • La streda dla Val Badia vën giaurida ai 29 de auril

    USP – Do che n à finà via i lëures per garantì plu segurëza sun la streda dla Val Badia, pudrala n juebia ai 29 de auril inó unì giaurida per de plu ëures ntan l di per l muvimënt pesoch. I auti muesserà mpò to la stredes panoramiches, nscì vëniel comunicà dal Servisc Provinziel per la stredes.

  • Presidënt nuef dl Cunsëi Scolastich Provinziel

    USP – Tla reunion generela da iner lunesc, 26 de auril, iel ufizialmëter unì sëurandà la ncëria da presidënt dl Cunsëi Scolastich Provinziel a Tiziano Botteselle. L presidënt da dant Siegfried Baur resta vizepresidënt dl Cunsëi deberieda cun Heinrich Videsott per la grupa de rujeneda ladina.