Comunicat stampa

USP – Per l 14esim iede vën la populazion nfurmeda n cont de prestazions che l’Aministrazion dla Provinzia de Bulsan à arjont. Te chësta edizion co che dl 2009 ie unì spendù scioldi, i pruvedimënc per smëndri burocrazia, l’aspet de economicità y l vester daujin ai zitadins. La relazion de atività ie da pudëi desciarië da internet sot a http://www.provincia.bz.it/relazioneattivita2009 y sarà ala fin de agost nce da giapé te forma stampeda tl Ufize stampa dla Provinzia o tla sënta dl ASTAT.

USP – Permez a dan diesc ani ie la cumpëida de liec ti hotiei aumenteda de 3,7%, tl medemo tëmp ie la cumpëida de nuetes afitedes aumenteda de 18,7%. “Chësta zifres desmostra che son n’ezezion” à dit l assessëur al turism Hans Berger n ucajion dl ancunteda cun i respunsabli dl SMG per rujené dl svilup turistich. “Messon lauré a na maniera che chësc svilup posse jì inant” mët a cuer l assessëur Berger.

USP – La regulamentazion dl sistem de cuntribuc tl ciamp dl’energia y l sustëni a nuzé energia che se lascia nuzé plu iedesc: chësc ie l fin dla lege provinziela che unirà publicheda n merdi 3 de agost tla Gazëta ufiziela dla Region. La lege fova unida laureda ora dal Assessorat de Michl Laimer y pona purteda te Cunsëi provinziel dala Jonta provinziela.

USP – Nchin ala fin de agost à nteressei a deventé iagri mo dl’aurela per se scrì ite al ejam da ciacia tl Ufize provinziel per la ciacia. I ejams unirà tenii ala fin de setëmber y prims de utober a San Laurënz y Maran/Obermais.

USP – N vënderdi ai 6 de agost uniral tl Istitut Ladin Mirucrà de Rü giaurì na mostra de fotografies sun la Dolomites de Gustav Willeit. L se trata dla terza de ndut cater mostres artistiches ntan chësc instà metudes a jì n culaburazion cun la lia “Ert por i Ladins”. La giaurida ai 6 de agost a S. Martin de Tor scumëncia dala 6 da sëira.

USP - La suplënzes tla scoles ladines per l proscimo ann de scola unirà sëurandates n vënderdi ai 6 de agost, dala 9 danmesdì tla sënta dla Ntendënza, tla streda Binder a Bulsan.

USP – Ti chemuns ladins dla Provinzia de Bulsan giateran la cherta de identité cun la dizions nce tla rujeneda ladina. Sun pruposta dl assessëur Florian Mussner à al Jonta provinziela ncuei (26 lugio) dat pro che la rujeneda ladina giape sun chësc documënt de identité la medema lerch sciche l talian y tudësch.

USP - Soluzions per l stritoz dla tofles di troies da mont, la reforma tlinica y la defendura di bëns culturei ie stai i argumënc de majer nteres prejentei dal presidënt dla provinzia riesc do la senteda dla Jonta provinziela dl 26 de lugio. I assessëures à dat pro la cherta de identità cun nce la dizions ladines.

USP – L Istitut Ladin Miucrà de Rü mënt chësc instà a jì cater mostres artistiches n culaburazion cun la lia “Ert por i Ladins”. Duman, 27 de lugio uniral giaurì a S. Martin de Tor la mostra de fotografies d’ert de Simon Perathoner. Te chësta ucajion uniral nce prejentà la zaita culturela-alternativa Puhin.

USP – Ti sies mënsc da d’inviern 2009/10 iel unì cumpedà 2,3 milions de persones unides adalerch, afitan da ndut 11,2 milions de nuetes. L Istitut de Statistica ASTAT à chësc cumpedà tla 10.235 strutures d’albierc tla provinzia de Bulsan. Permez ai medemi mënsc dl ann dant iel unì arjont 2,7% de plu persones unides adalerch y nce la nuetes afitedes ie cun n plu de 2,1% inò states miëures tenian cont che l ann passà fovel stat 1,2% demanco. Chësta cumpëides mostra su la miëura sajon da inviern che ie nchinamo unida arjonta tl Südtirol. N cont de nuetes afitedes ie duc i 8 chemuns ladins sëura la media.