Comunicat stampa

USP La Biblioteca provinziala Teßmann inviëia deboriada cun la „Gesellschaft für deutsche Sprache“ / Seziun de Balsan (la sozieté por le lingaz todësch) y l’ofize linguistich dl Südtiroler Kulturinstitut ai 10 d’otober dl 2011 a n referat de Martin Reisigl. Le titul dl referat é: „Dem Volk aufs Maul gschaut. Die Sprache des Populismus“

USP - Nia sciche l fova udù danora per n juebia, ma bele doduman mierculdi ai 5 de utober uniral tenì la cunferënza stampa sun la Cumpededa dla jënt y detlarazion de grupa de rujeneda.Coche l vën fat la cumpededa y la detlarazion, y cie che ti spieta ai zitadins prejenterà l presidënt dla Provinzia Luis Durnwalder.

USP - L di dla Cultura Ladina (NCUEI) ai 30 de setëmber a Bulsan, à sëuraprò ai referac y rujenedes nce pità ucajion de purté dant cunsciderazions y de stlarì dumandes. Pra la descuscion iel unì rujenà de cunseguënzes dla detlarazion de grupa de rujeneda y de na puscibltà de n pruporz flessibl tl otica dl daunì.

USP - La detlarazion de grupa de rujeneda n ucajion dla Cumpededa dla jënt ie de gran mpurtanza per defënder la mendranza ladina: chësc ie l pensier zentrel dl Di dla Cultura Ladina, (NCUEI) ai 30 de setëmber a Bulsan. L presidënt Durnwalder y l assessëur Mussner à nvià a na detlarazion senziera per avëi, tres l pruporz, na spartizion giusta di mesuns publics.

USP – N panorama dla situazion dla leteratura ladina y tl medemo mumënt material per l nseniamënt te scola pieta la Ntendënza dla Scoles Ladines cun n liber nuef. L liber „Ancuntedes“ de Roland Verra unirà prejentà ai 6 de utober n ucajion dl ArtDay tl zënter dla scoles autes a Urtijëi.

USP – I sculeies de duta la scoles autes ladines fajerà n juebia ai 06 de utober n di de workshops creatives- artistics. Chësc di dl’ert che vën tenì a livel naziunel y vën a Urtijëi metù a jì dala Ntendënza Ladina, ie chëst ann dedicà ala mpurtanza dla detlarazion de grupa de rujeneda pra la Cumpededa dla jënt.

USP – L mancia me plu puec dis nchin che scumëncia la Cumpededa dla jënt. Nce tla provinzia de Bulsan uniral dai 9 de utober inant cumpedà la jënt y i cuatieres, ma cun vel defrënza permez a l’autra pert dla Talia. Coche l vën fat la cumpededa y la detlarazion de grupa de rujeneda, y cie che ti spieta ai zitadins prejenterà l presidënt dla Provinzia Luis Durnwalder n juebia ai 6 de utober te na cunferënza stampa.

USP – Sun la streda danter Tluses y Urtijëi vëniel fat lëures de miuramënt. Davia che tlo passa nce truep mesuns pesoc ova la streda zedù y sën vëniel fat n majer ntervënt per garantì i culegamënc sun la streda de Gherdëina.

USP – En sabeda, al pröm d’otober vëgnel inaudè ofizialmënter la cuarta dles nü oases de palsa Pantan Sarè a Pedraces.

USP – L’analisa di resultac dla proves PISA mostra su n gran miuramënt di sculeies ladins a fé conc. Paredlan i resultac 2009 cun chëi dl 2006 iel nce unì a lum n miuramënt tl liejer, ntënder tesc’ y scienzes natureles. I resultac dl sistem nternaziunel de valutazion dla capaziteies di sculeies ie nce per la Scola Ladina n strumënt de urientamënt per la programazion y l miuramënt dl nseniamënt.