Comunicat stampa

USP – Canche la se trata de fé retlam ala Dolomites – arpejon mundiela, dëssen se coordiné miec danter la provinzies. Chësc ie unì fat ora n mierculdi 23 de mei danter i assessëures Hans Berger y si coleghes Tiziano Mellarini dl Trentin y Marino Finozzi per la region dl Veneto. Deberieda ulëssen nce se prejenté pra l’Expo a Milan dl 2015.

USP – La lege provinziela per seguré la stabilità dl sistem de finanziamënt dl turism, vën publicheda n merdi 29 de mei tla Gazëta ufiziela dla Region. Cun la lege nueva vëniel nvià via la cuota dl tlient y la puscibltà te do ite na cuota per l marketing da ativiteies che prufitea dl turism.

USP – L entusiasm pionieristich y pona la dificulteies tla pratica à caraterisà l’esperienza cun la rujeneda unificheda tla Val Müstair. L ambolt Arno Lamprecht y presidënt dl cunsëi de scola Reto Rossett à rujenà de si situazion.

USP – A livel aministratif cumporta la spartizion de cumpetënzes danter Chantun y chemuns dificulteies. Per l’aministrazion regiunela vel n prinzip uniter, ntant che i chemuns tën plu cont dla realtà pratica. L assessëur Martin Jäger à rujenà de logiches de maiuranza tla cuestion de rujeneda.

USP – La ntroduzion dla rujeneda standard ie nce per i promotëures nstësc dla Lia Rumantscha jita massa debota jan nia streda nia naturela. L Rumantsch Grischun vën purempò azetà a livel sëura la valedes. De bona esperienzes an nce fat tl svilup de paroles nueves.

USP – Per mparé a cunëscer miec l’esperienza che i ladins-rumatsch à fat te passa 20 ani cun si rujeneda unificheda, se à na delegazion de istituzions ladines ancuntà cun promotëures, l’aministrazion cantonala y reprejentanc locai dla Val Müstair. Cun la vijita ti Grijons à la delegazion (INIER) ai 23 de mei pudù capì miec cie che à funziunà y ciuni che ie stai i majeri fai: dut chësc per pudëi valuté miec la situazion dl Ladin standard per l raion dla Dolomites.

USP -La Comisciun provinziala por la sconanza dla contrada à te süa senteda da en mertesc, ai 22 de mà 2012 aprovè n proiet de mioramënt de na pista dai schi tl comun de Mareo.

USP – L’ancunteda cun la banches y l cumité per la relazions banacaries, deberieda cun na lingia d’autri argumënc sciche i aiuc per l tremot, recurs al Guviern talian, jëuni zënza lëur, nsenianc y l vedl fier ie stai i argumënc zentrei dla senteda dla Jonta provinziela ai 21 de mei. L presidënt Luis Durnwalder à cunedì la dezijions tla cunferënza stampa riesc do la senteda.

USP – Te si senteda da (NCUEI) ai 21 de mei à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce la pruposta de aiut per i tuchei dal tremot, l recurs al Guviern per la spartizion dla chëutes nueves, l servisc de ulentariat per jëuni, nsenianc de rujeneda y personal dla scolines.

USP – Per cialé deberieda cie che la Provinzia y la banches da tlo possa fé tla situazion economica dl mumënt, iel ntan la senteda dla Jonta provinziela unì tenì n’ancunteda cun reprejentanc dla banches da tlo. (NCUEI) ai 21 de mei iel unì fat ora che n cumité di trëi assessëures provinziei Mussner, Widmann y Bizzo dëssa deberieda cun i diretëures generei dla banches lauré ora modiei per l daunì.