Comunicat stampa

USP - „Plant Life of the Dolomites” é le titul dl liber presentè incö, ai 6 de forà dl 2014, tl Museum de Sciënzes Naturales dl Südtirol dai auturs, i dui botanics Erika y Sandro Pignatti. Chësc volum é le früt de passa 50 agn de stüdi y descrî passa cënt assoziaziuns vegetales de döt le raiun dolomitich, n valgönes ćinamai por le pröm iade. La publicaziun numer 8 dl Museum de Sciënzes Naturales dl Südtirol vëgn realisada dal editur Springer.

USP - L Lizeum d’Ert y la Scola Prufesciunela per l Artejanat Artistich “Cademia” de Urtijëi se prejënta n vënderdi, ai 7 de fauré cun l Di dla porta davierta, chëst ann sot al tema Cambiamenti/Veränderungen/Mudamënc. N previjion de chësc evënt saràl n’ena di progec pra chëla che la sculées y i sculeies puderà fé pea ntan duta l’ena pra lauratueres.

USP – La materies che unirà damandedes tla segonda prova scrita dl’ejam de stat ie unides seguredes. Tla trëi sezions defrëntes dla scoles autes ladines se tratela de economia aziendela, rujenedes fulestieres y proietazion.

USP - Le diretur de Repartiziun Alexander Prinoth lascia alsavëi che che ô se scrì ite tles gradatöres dles scores y dla provinzia dles scores ladines por l’ann de scora 2014/2015 po fà domanda ćina ai 19 de forà.

LPA - L’iscrizions per l ann de scolina 2014/15 vën tëutes suvën tëutes su ti dis da lunesc 17 nchin mierculdi 19 de fauré 2014 te uni scolina.

USP - La Repartiziun Cultura y Intendënza ladina adöm cun la Consulta culturala provinziala por le grup linguistich ladin lascia alsavëi che les domandes por n contribut provinzial por l’ativité culturala 2014 mëss gnì dades jö ćina ai 31 de jenà dl 2014. Les domandes de contribut por investimënć, proieć culturai, ativitês artistiches y de formaziun po gnì dades jö tratan döt l’ann.

USP - Le Südtirol à na Junta provinziala nöia. Incö domisdé (ai 16 de jenà) à le Consëi provinzial lité le grup de govern proponü dal Presidënt dla Provinzia de Balsan Arno Kompatscher. La Junta provinziala nöia é metüda adöm dal presidënt dla Provinzia, döes assessuries y cin assessurs.

OSP - Por aconsié le miù poscibl i organisadus dla gara de copa dl monn te Gherdëna sön ci che le tëmp fej él en vëndres y en sabeda n meteorologh dla provinzia sön le post. Implü vëgnel vigni dé fora dal Sorvisc meteo dla Provinzia na previjiun dl tëmp speziala aposta por chësta manifestaziun che s’anüza ince di dac dla staziun meteo te Sëlva.

OSP - I dui museums provinziai ladins é indô daverć da en jöbia, ai 26 de dezëmber inant. Le Museum Ladin Ciastel de Tor a San Martin de Tor informëia sön la storia y la cultura di ladins y tl Museum Ladin Ursus ladinicus impàron da conësce le monn dla laûrs di andri y la storia dles origines dles Dolomites.

OSP - Ince in chësc ann organisëia le Museum Ladin Ciastel de Tor deboriada cun l’Assoziaziun Turistica da San Martin de Tor y l’Uniun dl Sport da San Martin la ormai tradizionala festa de fin dl ann in lönesc ai 30.12.2013 tl areal dl Museum Ladin sön Tor.