Por les families

La scolina é le pröm scalin dl sistem formatif tl Südtirol. Ala scolina vá mitans y mituns danter i dui agn y mez y i sis agn. La frecuentaziun é volontara.

Le möt/la möta, so svilup y süa formaziun individuala é tl zënter dla scolina. Les families á la responsabilité prinzipala por sü mituns/sües mitans y vëgn conscidrades partners importanc por la scolina. La biografia dl svilup y dla formaziun dl möt/dla möta é punt zentral por les bries y i sforc dla formaziun. Le möt/la möta fej para instës/instëssa ativamënter so svilup y süa formaziun personala. Le personal pedagogich y les families forma tl interes dl möt/dla möt n lian de formaziun.

Por les families é le pié ia ala scolina de so möt/süa möta n vare de gran importanza y colié a tröpes mudaziuns.

Tla ligna de flyers “Mein Kind und seine Sprache(n) – Sprachliche Bildung in der Familie“ ciafëise consëis de ütl sön co che i podëis ince Os a ciasa sostigní Osc möt/Osta möta tl aprendimënt di lingac.