Atualità
Consulta provinziela dl servisc ai jëuni: renuvà l triennium 2024-2026
La Jonta provinziela de Bulsan à numinà la Consulta provinziela dl servisc per i jëuni, dla trëi grupes de rujeneda, per l triennium 2024-2026.
Ai 19 de merz à la Jonta provinziela deliberà de renuvé la Consulta provinziela dl servisc per i jëuni, dla trëi grupes de rujeneda, per l triennium 2024-2026. Coche preudù dala lege provinziela nr. 13 dl 1983 ie i cumëmbri y la cumëmbres esprescion dla urganisazions dl servisc ai jëuni, di zëntri di jëuni, cun esperc dac dant dai Chemuns y n reprejentanza dl Cunsëi scolastich provinziel.
La Consulta provinziela ladina dl servisc per i jëuni
Sun pruposta dl vizepresidënt dla Provinzia y assessëur per l’Istruzion Daniel Alfreider à la Jonta provinziela de Bulsan numinà 13 cumpunënc dla Consulta provinziela dl servisc per i jëuni per la grupa de rujeneda ladina: Elia Adang, Lukas Castlunger y Greta Lerchner de Badia, Marco Ellecosta de Mareo y Aron Moroder y Pauli Moroder d‘Urtijëi per la urganisazions de servisc per i jëuni, pona Elvis Burchia de Badia, Nicole Insam de Sëlva y Julian Stuffer de Santa Cristina per i Chemuns y inant pona Felix Nagler da La Val, Martina Obwegs de Mareo y Nadine Thomaseth de Urtijëi per i zëntri di jëuni y Martin Putzer de Santa Cristina n reprejentanza dl Cunsëi scolastich provinziel.
La Consulta provinziela taliana dl servisc per i jëuni
La Jonta provinziela à numinà, sun pruposta dl vizepresidënt dla Provinzia y assessëur per l’Istruzion Marco Galateo: Matilde Maines D’Acquisto, Daniel Valentini, Manfredi Minniti, Riccardo Juri, Fabbrizio Pittoni, Lucia Rose Buffa y Giusy Cupo n reprejentanza dla urganisazions de servisc per i jëuni, Anna Michelazzi, Enrico Tarò y Chiara Casarin per i zëntri di jëuni, inant pona Alice Ravagnani, Larissa Bianchi y Sara Canale per i Chemuns y Valentino Boduri n reprejentanza dl Cunsëi scolastich provinziel coche 14 cumpunënc dla Consulta provinziela dl servisc per i jëuni per la grupa de rujeneda taliana.
La Consulta provinziela tudëscia dl servisc per i jëuni
Sun ndicazion dl’assessëur provinziel per l‘Istruzion Philipp Achammer à la Jonta numinà 13 cumpunënc dla Consulta provinziela dl servisc per i jëuni per la grupa de rujeneda tudëscia:Iris Achmüller, Alex Giovanelli, Georg Profanter, Friedrich Hainz, Heidi Siller, Tobias Laimer y Sara Burger n reprejentanza dla urganisazions de servisc per i jëuni, Dominik Alber, Andreas Völser y Daria Habicher per i Chemuns y inant Philipp Bernhart, Raphael Mittelberger y Vivian Rustige per i zëntri di jëuni.
I trëi Cunsëies provinziei dl servisc per i jëuni se anconta almanco un n iede al ann per se cunsië y per rujené de custions y problems deberieda. Pra si senteda costituënta se chirerà i Cunsëies scolastics ora si presidënta o si presidënt. La cumëmbres y i cumëmbri numinei resta te si ncëria nchin al ann 2026.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/jw/an/dl
