Atualità

Scores altes, da indoman pón se scrí ite online

Da indoman él poscibl da se scrí ite online tles scores altes ladines, todësces y talianes dla Provinzia de Balsan por l'ann de scora 2020/21.

Da indoman mercui, ai 15 de jená cina en sabeda, ai 15 de forá podará les studëntes y i studënc che stlüj jö la scora mesana se scrí ite te na scora alta ladina, todëscia o taliana dla provinzia de Balsan. L’iscriziun pó ma plü gní fata online o cun le SPID o cun la cherta di sorvisc ativada. L’iscriziun pó gní fata sön myCIVIS, l’area personala dla Rëi zivica nöia CIVIS, che conzed da dialoghé cun l’aministraziun publica. Te caji motivá él preodü ince la poscibilité de trasferimënt, che mëss gní fat fora cun le personal dirighënt dles scores interessades. I geniturs che ne á nia la poscibilité da fá l’iscriziun online podará jí a damané aiüt ti secretariac dles scores.

USP/USP