Atualità
Dala Junta: 5,7 miliuns de euro por la manutenziun de frabicac
La maiú pert dles ressurses a desposiziun por la manutenziun di frabicac dla Provinzia jará a bëgn de strotöres scolastiches: chësta é stada la dezijiun dla Jun
L’Ofize Manutenziun frabiches á elaboré por l’ann 2017 le program de manutenziun partí sö sön de plü agn por i ofizi y les scores, sciöche ince por i bëgns patrimoniai y imobili por garantí la continuité di sorvisc y dles ativités publiches.
Conscidran che n valgügn intervënc é de prescia á la Junta provinziala aprové incö n aumënt dla soma a desposiziun che prevëiga indöt 5,7 miliuns de euro implü che gnará investis dantadöt tla manutenziun de strotöres scolastiches provinziales. Dötadöm reverda la soma metüda a desposiziun por la manuteziun de frabicac indöt 16,2 miliuns, cun i 5,7 miliuns de euro che röia lapró ai bele 10,5 miliuns de euro metüs a bilanz denant.
De plü intervënc de manutenziun é ince preodüs da pert dla Provinzia pro ci che reverda de plü sorts de frabicac provinziai: frabicac cun ofizi por l’aministraziun provinziala, laboratori y cantiers. Implü gnarál lauré sön la manutenziun ordinara y straordinara ince por ci che reverda frabicac che vëgn anuzá sciöche sëntes de scores altes y profescionales, d’abitaziun, üties da munt y zëntri d’acoliënza o frabicac che vëgn anuzá sciöche sëntes por aziëndes speziales (por ejëmpl tl ciamp dl’agricoltöra o pro le sorvisc strades). Atualmënter él l’Ofize Manutenziun che gestësc 598 frabicac. Tl 2016 él gnü a se le dé 3.896 intervënc, de chisc 2.207 é stá de pici intervënc cun na spëisa sot ai 40.000 euro.
USP
