Atualità
Urtijëi giapa l zertificat de Chemun a mesura dla families
Coche sest chemun dla provinzia à Urtijëi stlut ju cun suzes l pruzedimënt de zertificazion Audit "FamilyPlus". Ai 19 de mei unirà l zertificat sëurandat dal’assessëura provinziela Waltraud Deeg.
Vester a mesura dla families uel dì de plu cosses y stluj ite truep aspec dla vita. I chemuns sëurantol te chësc cuntest coche prim cuntat dan man na funzion mpurtanta. Cun l Audit “FamilyPlus – Familie leben, vivere la famiglia, viver la familia“ à i chemuns dla provinzia da d’auton dl 2021 la puscibltà de lascé valuté tan adatei che i ie per la families. Ala fin de chësc pruzedimënt vëni premiei cun na uneranza tla forma de n zertificat, che ie da udëi coche sëni vijibl de cualificazion coche chemun a mesura dla families.
L chemun de Urtijëi à sën coche sesto chemun dla provinzia stlut ju cun suzes l pruzedimënt Audit. N
vënerdi, ai 19 de mei
dala 15.00
te cësa de chemun a Urtijëi, streda Roma 2
ti sëurandà l’assessëura per la families Waltraud Deeg y Carmen Plaseller, diretëura dl’Ajentura per la familia dla Provinzia, al team FamilyPlus dl Chemun cun l ambolt Tobia Moroder l zertificat dl Audit "FamilyPlus“ premian nsci Urtijëi coche chemun a mesura dla families.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/ck/usp
