Hauptinhalt
Proiec
Chësta plata dl portal ie la „tofla digitela”, uel dì, la plataforma sun chëla che duc i nteressei/duta la nteressedes, ma dantaldut:
- i genitores,
- i sculeies/la sculées,
- i nsenianc/la nseniantes,
- i dirigënc/la dirigëntes dla scoles,
- i/la culaboradëures di secretariac dla scoles
- i dirigënc/la dirigëntes y i/la culaboradëures dl’Aministrazion provinziela
- i reprejentanc politics/la reprejentantes politiches dl Sistem Istruzion y Furmazion
giapa la nfurmazions sun i ntervënc de miuramënt o inuvazion dl Sistem de nfurmazion scolastich dla Provinzia Autonoma de Bulsan.
I cunsëies y mo plu la prupostes possa unì trasfurmei da idees te ntervënc cuncrec, y, nsci, purté pro a miuré for inant l Sistem de nfurmazion dla scolastich tl respet dla normes de lege.
Per miuré la tecnologia n droa o per crië inuvazion iel unfat sce n ntervënt se realisea:
- tl cheder de na cunlaurazion de puec, te n tëmp curt o cun degun finanziamënc,
- urganisà cun la metodes dl project management, tulan ite truep partezipanc y metan a despusizion finanziamënc, ncetei dai fonds UE.
Tres l Sistem de nfurmazion scolastich iel a uni moda puscibl mëter n cuntat la ideies inuvatives cun na cooperazion sun chëla che n possa se lascé.
Duc i ntervënc dl Sistem de nfurmazion scolastich ie tlassifichei coche proiec, unfat tan zariëusc o scëmpli che i ie, ajache uni ntervënt porta for pro al miuramënt dl suport tecnich y urganisatif di flusc nfurmatifs y reprejentea nsci n valor njuntà al servisc che l Sistem de nfurmazion scolastich ti pieta al Sistem Istruzion y Furmazion.
Proiec curënct
lo dessot la nfurmazions sun i ntervënc de miuramënt dl Sistem de nfurmazion scolastich curënc:
- Servisc iscrizions online
- Gestion cursc de furmazion permanënta
- Ntlujion – mutons/mutans y jëuni/jëunes cun dejabltà – y migrazion
- Cualità di dac y monitoring
- Register eletronich de tlas y dl dozënt/dla dozënta
Archif di proiec
Tlo dessot iel dat sëura i ntervënc stluc ju: