Comunicat stampa

OSP - Tla perioda 1997-2001 fô la dorada de vita mesana pro i ëi de de 77,0 agn y pro les ëles de 83,4 agn. Chësc corespogn a 40 agn deplö co tl mëteman dl 20ejim secul.

OSP - Le plann provinzial nü di trasporc é sëgn da ciafè online sön les plates dla Rëi zivica südtiroleja.

OSP - Inier él gnü davert ofizialmënter, cun na picera festa, le punt nü realisé a Pruca. Le punt nü, che fej da passaje sön l’Isarch por le trafich y la ferata, á costè 1,445 miliuns d’Euro y é gnü realisé te feter dui agn de laûr.

OSP - Dal 27 de dezëmber 2002 dauriarà indô al publich les ciases di parcs naturai de Türesc, Toblach y Al Plan de Mareo. L’orar de daurida é dal mertesc ala sabeda, dales 9 da duman fina les 12.30 da misdé y dales 16 ales 19.

OSP - Le punt nü, che dô dui agn de laûr é gnü realisé a Pruca, gnarà inaudè le proscimo mercui, ai 18 de dezëmber. Le punt vedl restarà inant davert por le trafich fina che ince la strada nöia gnarà daverta.

OSP - Le proscim lünesc, ai 16 de dezëmber, sarál en scioper nazional tl setur dl trasport publich. Te nosta provinzia sarál le personal dla Sasa, dla Sad y Alm che ne jará nia al laûr.

OSP - Na colaboraziun por dè na soluziun ai problems che reverda trames Provinzies, la cultura y i ladins ampezans: chisc i tems metüs sön mësa intratan l’incuntada da inier nanter le presidënt dla Junta provinziala de Balsan Luis Durnwalder y le ombôlt nü de Cortina d’Ampëz, lité chëst ann, Giacomo Giacobbi.

OSP - Tl ann academich 2000/2001 resultâ 5.539 studënc universitars de Südtirol scric ite pro universitês talianes: le 57,1 porcënt fô studëntes, respet al ann academich da denant, él gnü registré en plö dl 2,8 porcënt (ëi manco 1 porcënt, ëles plö 5,9 porcënt).

OSP - Tl mëis d’otober 2002 él gnü registré en plö dl 5,2 porcënt ti arrifs y en plö dl 5,7 porcënt por cî che reverda les presënzes respet al medemo mëis dl ann passè.

OSP - Le strumënt de segnalaziun lominus por le prigo de lovines, tecnologicamënter avanzè, orü dala Provinzia instëssa por garantí ciamò na maiù segurëza söles pistes y fora dales pistes dai schi, gnarà prejentè in chësc vëindres, ai 6 de dezëmber, dal presiëdent dla Junta provinziala Luis Durnwalder y dal assessur provinzial por le turism Werner Frick a Sëlva, dales 10 danmisdé.