Comunicat stampa

USP - L’impëgn de mantignì y restrotoré les viles dla Val Badia onorëia l’Assessorat Ladin dla Provinzia de Balsan cun le pest “na vila de valüta”. Le pest che é gnü scrit fora por le pröm iade é de 7.000 euro. “Les viles é de gran valur, porchël orunse onorè chi che ciara de ëres cun gran pasciun, insciö l’assessur Florian Mussner.

USP – N valgun dis te berstot, te butëiga o te ustaria possa per sculeies dla terza mesana no me vester na bela speriënza, ma nce n aiut a to na decijion per si daunì tl lëur. Tl Palais Widmann a Bulsan iel (ncuei) mierculdi 28 de mei, unì prejentà l proiet per sculeies dla mesana de vester lerneri per vel dis.

USP – Ai prim y doi de juni uniral cialà do plu avisa l muvimënt sun la stredes dl Südtirol. Tl cheder dla campania de sensibilisazion “No Credit” uniral ntan chisc dis fat de plu controi per schivé desgrazies sun streda.

USP - Per l proscimo ann de scola se à scrit ite 360 sculeies tla scoles autes dla Val Badia y de Gherdëina. Permez al ann passà iel stat n aumënt de belau 4% cumpedan adum la iscrizions dla cater scoles. L assessëur ladin Florian Mussner manda n apel ala populazion de se nuzé dla scoles autes ladines che à giapà de bona valutazions.

USP - ladin Florian Mussner söl Ju de Frara le vizepresidënt dla Lia di Comuns ladins Paolo Frena, l’ombolt da Fodom Gianni Pezzei y l’assessuria da Cortina d’Ampëz Paola Valle por definì deboriada n proiet che lieia adöm i ladins dles cin valades incër le Sella che vir fora dles trëi provinzies. Invià ala sentada ê ince l’assessur regional Luigi Chiocchetti y le presidënt dla Lia di ombolc’ ladins Bruno Senoner che n’à nia podü tó pert.

USP – L ufize apalc dla Provinzia de Bulsan à (ncuei) merdi, 27 de mei sëurandat i lëures per cumedé la streda de Gherdëina, la SS 242, per n custimënt de feter 400.000 Euro.

USP – I ejames dla scoles mesanes scumëncia ai 17 de juni. Chësc ie unì fat al savëi n lunesc sëira do che l minister per l nseniamënt à mandà ora la dates de ejam per la scoles mesanes.

USP – Dal prosicmo ann de scola (2008/09) possa sculeies y lerneri cun dificulteies de cumprenscion giapé na cualificazion smendrida tla scoles prufescioneles. L unirà metù a jì ejames do criteries adatei ala situazions defrëntes.

USP - Tla sendteda dl guviern Provinziel, n lunesc ai 26 de mei ie danterauter unì dat pro de plu cuntribuc per sustenì la puscibltà de scola y studi. Tl trasport publich ti vënien mo deplu ncontra ala families y ala jënt de tëmp. L mpëni per miuré la forza de compra dla populazion va inant.

USP – Cun na gran festa y truep nteressei ie unì gaiurì la sënta nueva dl Museion, l museum de ert moderna y contemporanea a Bulsan. Cun la strutura nueva ie nce unì fat puenc nueves da jì a pe sëura l ruf dla Talvera. “L Südtirol cëla ala storia ma l uël nce se giaurì al daunì, l Museion ie n var de chësc viers” nscì l presidënt dla provinzia Luis Durnwalder pra la giaurida n sada. Ghest de unëur ie stat l ambolt der Berlin, Klaus Wowereit che à lecurdà che fé nvestimënc tla cultura uël di fé de bon nvestimënc che fej nce crëscer la cumenanza.