Comunicat stampa

USP – Vën pa l’esigënzes de nosta sozietà y dla scola ladina curides cun la furmazion atuela di nsenianc? La resposta dëssa dé n cungres scientifich metù a jì n ucajion di 10 ani dla Repartizion ladina d’Università de Bulsan. Esperc de furmazion, respunsabli dl’università y dla scola ladina, deberieda cun l assessëur provinziel ladin y respunsabli da vita soziela fajerà l pont dla situazion n cont dla furmazion di nsenianc ladins. L cungres dal titul “Le ladin tl sistem furmatif” vën tenì n mierculdi ai 6 de auril tla sënta universitera a Persenon.

USP – Fora por les valades prinzipales dl Südtirol él bele gnü metü les fires otiches por l’internet asvelt; cina dl 2013 désseres avëi arjunt düc i comuns a na moda che la comunicaziun digitala arjunjes n livel alt te döta la provinzia. En lönesc, ai 28 de merz (inier) à la Junta provinziala aprovè le program anual por les infrastrotöres dl internet a banda leria presentè dal assessur Florian Mussner. A chësta manira él gnü garantì investimënc por 8,3 miliuns de euro. Feter n terzo de chësta soma vëgn spenü ite por la Val Badia.

USP - Le numer nü dla revista AULES é dedicada ala tematica dl suzès. Ara ne se trata nia ma de suzès y insuzès scolastich, mo ince de ciamps desvalis dla vita da vigni dé. Tla revista por les scores dada fora dal’ Intendënza Ladina, él da lì tesc’ por ladin, talian, todësch y grijun.

USP – La pruposta dla cumiscion de esperc n cont dla posizion dl zënter cumerziel a Bulsan ie unida azeteda dala Jonta provinziela che à nce fat i prim vares per ntegré l zënter tl plann urbanistich. I esperc ova valutà la strutura “Twenty” che ie bele tla streda Galiei, sciche la miëur luegia. – Limitazions per majera butëighes nce ti mëndri luesc.

USP – La Jonta provinziela de Bulsan à (NCUEI) ai 28 de merz azetà l masterplan sun l svilup dl aeoroport de Bulsan. Chësc ie stat debujën per giapé la cunzescion dal’ENAC. I assessëures ie stai a una de cherdé ite na mëisa de descuscion cun duta la pertes nteressedes per arjonjer n cumpromis sun i lëures che ie debujën de fé.

USP – Feter 10 milion de euro spenderà la Provinzia ntan i proscimi ani tla 25 uties da mont che ie unides sëurantëutes dala Lia da Mont taliana CAI. Trëi uties muessa unì fates defin da nuef.

USP – La Jonta provinziela à azetà l ejam de dann ambientel per la ntreda nueva dla Val Badia a S.Laurënz. Chësc à fat al savëi l presidënt dla provinzia (NCUEI) ai 28 de merz, riesc do la senteda dla Jonta.

USP – Tl plann provinziel di mplanc portamont dëssel unì purtà ite cunzec y nia me plu na rissa ulache l possa unì fat l lift o la furnadoia. La Jonta provinziela à (NCUEI) ai 28 de merz dat pro de lauré ora diretives nueves per l’atualisazion dl plann.

USP - La Jonta provinziela vëij tla truepa prescrizions stateles y europees n pericul che desturba dassënn l lëur. Tla senteda (da NCUEI) dl 28 de merz iel perchël unì fat ora de lascé crì do pusciblteies costituzioneles per astilé ora prescrizions y truepa burocrazia.

USP – L’urdenanza che udova dant n iede amunizions dan straufé ie unida druseda: te vel caji sciche per l tlupé fonc, la ciacia o la stredes da mont, uniral riesc straufà nce zënza amunizion danora. Chësc à (NCUEI) ai 28 de merz fat ora la Jonta provinziela de Bulsan.