Comunicat stampa

Le tëmp grisc y da niores n’à nia archité la pröma ediziun dl Dé dla Porta daverta dl’Aministraziun provinziala, dla Junta y dl Consëi provinzial gnü organisé incö (vëndres ai 5 de setëmber). Na buna afluënza él gnü registrè sön plaza Silvius Magnago y tl Consëi provinzial, mo inće te atri Palać provinziai él stè vijitadus che s’à fat odëi.

Incö danmisdé él gnü tignì tl Palaz Widmann a Balsan la premiaziun di jogn y dles jones che à stlüt jö l’ejam de maturité cun le numer de punć plü alt. Presënć ala premiaziun é stà le Presidënt dla Provinzia Arno Kompatscher, i assessurs Achammer y Tommasini y le diretur dla Repartiziun ladina Alexander Prinoth.

La chirida do respostes ales sfidades dl monn dl’educaziun, la colaboraziun danter les istituziuns ladines y la scora ladina paritetica sciöche ejëmpl de na scora „europeica“: chisc é stà i punć de discusciun prinzipai dl Dé dla Scora Ladina incö, vëndres ai 5 de setëmber tla Ćiasa dla Cultura a La Ila.

La plaza Silvius-Magnago se trasformëia bel plan te n museum alaleria, olache indoman vëndres, ai 5 de setëmber gnaràl metü a jì le Dé dla Porta Daverta. Tratan le domisdé saràl poscibl da vijité de plü sëntes provinziales a Balsan, Maran, Bornech, Porsenù, Neumarkt y Schlanders y da s’informè sön les funziuns y ativitês dla Junta provinziala, dl Consëi provinzial y dl’Aministraziun provinziala.

Le convëgn scientifich „20th Cave Bear Symposium“ gnarà organisé dai 11 ai 13 de setëmber a Corvara y é dediché ales inrescides plü atuales sön les laûrs di andri y en general inće sön les perts de tiers y de porsones descurides y che va zoruch al tëmp preistorich. Le convëgn gnarà inaudè ofizialmënter en jöbia, ai 11 de setëmber dales 9 tl salf dles manifestaziuns a Corvara.

Orars scolastics, la scora domisdé, l’edema scolastica de cinch dis y les esigënzes di scolars che va a ćiasa la fin dl’edema: chisc é n valgügn di criters che porta al mudamënt di orars dl trasport publich cun le scomenciamënt dl ann scolastich.

Poscibilitês de discusciun, seminars, musiga, films, ativitês culturales y de grup: döt chësc é le Labfest Dolomites Unesco che vëgn organisé dai 5 ai 7 de setëmber a La Val y che pita n program ampl de discusciun y informaziun sön les tematiches dla cultura da munt y dles Dolomites sciöche patrimone UNESCO.

Al sarà indöt sura 100 i frabicać publics (palać provinziai, comuns, scores) che podarà anuzè alplü tert ćina la fin dl ann 2014 dl internet asvelt por merit dles fires otiches. Le proiet é gnü aprovè incö dala Junta provinziala y é le tema zentral de n’acordanza danter la Provinzia y la SIAG (Informatica Alto Adige).

Dai 13 de dezëmber inant portarà les ferates regionales che coliëia le Südtirol cun Trënt, Desproch o Lienz le blasun dl’Euregio. Chësta noela é gnüda presentada incö (mertesc, ai 2 de setëmber) dal assessur por la mobilité Florian Mussner tratan la conferënza stampa do la sentada dla Junta.

Na suraodüda generala sön les proprietês imobiliares dla Provinzia y sön les poscibilitês de sparagn é gnüda presentada incö (mertesc ai 2 de setëmber) dal assessur por le patrimone Florian Mussner ala Junta provinziala. La Provinzia à implü incassè indöt 14 miliuns de euro por venüdes de areai militars.