Val Badia: stlüta programada dla SS244 danter Longega y Picolin
I intervënc de metüda en segurëza se damana da stlüje tresfora la strada tratan le fin dl’edema, dai 25 d’aurí dadoman cina ai 26 d’aurí domisdé tert.
BALSAN/LONGEGA (USP). Sön la strada statala dla Val Badia (SS 244) él preodü na stlüta totala temporana tl toch danter Longega (burcia por Rina/Longiarù) y Picolin (Lift de Piculin). La strada gnará stlüta tresfora, da en sabeda ai 25 d’aurí 2026, dales prömes ores dadoman, cina en domënia ai 26 d’aurí 2026, incër les 6 da sëra, por düc i mesi de trasport, sides de de co de nöt.
L’assessur provinzial por les Infrastrotöres y la Mobilité, Daniel Alfreider, alza fora: "Te chësta fasa vëgn la strada stlüta por mëte en segurëza sides les porsones che passa, co les porsones che laora". La mosöra vá debojëgn por intervënc de metüda en segurëza dla strada, por tó demez i prighi liá ala presënza di lëgns rosedá tl bosch sura strada, chi che podess tomé jö y tigní sö la zircolaziun (desco bele reporté dal Ufize Stampa Provinzial).
Trafich y deviaziuns
La stlüta reverda döt le trafich motorisé. Por i veicui sot a 3,5 tonelades romagn daverta la deviaziun passan por Rina. Le trasport publich de linia ciafará na mudaziun temporana dl percurs, bele adotada te ocajiuns analoghes tl passé. I laurs é gnüs programá y vëgn conzentrá sön la fin dl’edema, por limité al plü les dificoltés di pendleri.
Proscimi ajornamënc
L’ordinamënt ofizial dl Sorvisc Strades Val de Puster gnará comuniché ti proscimi dis.
red
