Iscrizions ala scolina per l ann 2026-2027
La Direzion dla scolines "Ladinia" comunichea che la iscrizions ala scolines per l ann 2026/2027 unirà mé fates online
BULSAN (USP). L sarà puscibl fé l’iscrizions dai 08 ai 16 de jené 2026 sun l portal online dla provinzia autonoma de Bulsan “Iole” tres myCivis y l possa unì scrit ite mutans y mutons nasciudes y nasciui danter l 01.09.2020 y l 31.12.2023.
Un n ann de scolina ie de ublianza. Duta la mutans y i mutons nasciui danter l 1°de mei 2021 y i 30 de auril 2022 muessa unì scric ite ala scolina.
L ie mé puscibl fé l’iscrizion te una na scolina dl chemun de residënza.
Genitores che uel scrì ite si mut o si muta te n‘autra scolina che no chëla de si chemun de residënza, muessa, do avëi fat l’iscrizion te na scolina de si chemun de residënza, presenté te Direzion dla scolines na dumanda de trasferimënt sun n formuler stampà.
Plu nfurmazions y ajurnamënc n chësc cont vën publichedes sun la plata web dla scolines https://scora-ladina.provinzia.bz.it/lld/scolines/iscrizion-te-na-scolina-ladina o ie da giapé pra uni scolina o pra la Direzion dla scolines al numer de telefon 0471-797117.
red
