50 ani Intendënza Ladina: n’ëura de festa ai 14 de nuvëmber
La manifestazion pieta l’ucajion per cialé de reviers al svilup dl’Intendënza ladina, per pensé do a si rodul al didancuei y per mustré su si perspetives per l daunì
BULSAN (LPA). Cun referac de mpuls y dialogs, ma nce cun cianties y bai, cun poetry slam y messajes video vëniel cialà de reviers al mez centené, da canche l’Intendënza Ladina fova unida metuda su, ma l vën nce tematisà l prejënt y l daunì.
Sun l prugram iel danter l auter n dialogh cun l Presidënt dla Provinzia Arno Kompatscher, l Assessëur Provinziel Daniel Alfreider y l Diretëur dl’Intendënza y Cultura ladina André Comploi, y nce na udleda de reviers y inant dl Ntendënt Heinrich Videsott. Coche ghest d’unëur y cun n pont d’ududa da dedora cuntestualiserà la diretëura dl Forum culturel austriach a Roma Teresa Indjein la situazion. Daujin a n valgun video nfurmatifs curc saral da udëi na performance de poetry slam di sculeies y dla sculées che à venciù n cuncors spezifich. Mplu balerà y cianterà na grupa de mutons y mutans dla scolina.
L’ëura de festa scumëncia
n vënderdi ai 14 de nuvëmber,
dala 11
tl Spiegelsaal
dl Landhaus 1
sun la Plaza Silvius-Magnago 1
a Bulsan.
Nvit tla njonta.
mac/red
