Val Badia: la strada statala restará en pert stlüta
Dales 8.00 dadoman de sabeda ai 18 de otober, cina les 18.00 da sëra de domënia ai 19 d’otober, él preodü da fá laurs de desboscamënt por mëte en segurté la strada statala.
MAREO/SAN MARTIN DE TOR (USP). L’assessorat provinzial por les Infrastrotöres y Molbilité lascia alsavëi che chësc fin dl’edema gnará la strada statala dla Val Badia (SS 244) stlüta al trafich tl raiun danter Longega y Picolin. La stlüta vá debojëgn por fá laurs de desboscamënt de prescia por mëte en segurté chël toch de strada.
I mesi cun n pëis cina a 3,5 tonelades pó tó la deviaziun por. A gauja dla larghëza limitada dla strada danter Rina y Antermöia, ne pó i auti che pësa plü de 3,5 tonelades passé tres chisc paisc fora.
I coliamënc dles corieres tomará fora o gnará smendrís
Por ci che reverda i coliamënc cun les corieres, romagnará les corieres danter Calfosch y Picolin zënza mudaziuns y vigni ora. Le sorvisc de corieres danter Picolin y Longega gnará indere desdit daldöt la sabeda ai 18 d'otober y la domënia ai 19 d'otober, sciöche al é gnü comuniché dal Sorvisc di Trasporc de Südtirol AG (STA). Danter Al Plan y Bornech, al post dl sorvisc orar, gnarál metü a jí n sorvisc vigni döes ores. I passajiers é periá da jí sön la plata internet südtirolmobil.info por informaziuns sön les mudaziuns de orars.
I laurs vëgn fac dala dita Brunner & Leiter Gmbh en colaboraziun cun le Sorvisc dles strades dla Val de Puster.
red/gm/cs
