Educazion politica: manifestazions ie da nunzië nchin ai 4 de merz
Chances y iustizia ie la tematiches prinzipeles di dis de furmazion politica 2025 – Urganisazions de furmazion, tlasses de scola, ma nce jëuni y jëunes possa fé pea pra la manifestazion
BULSAN (UFP). 2025, tl ann de iubileum dla viers di paures, ie nce i dis de furmazion politica che ti va do al moto dla valivanza y dla iustizia dla oportuniteies. L cumandant di paures Michael Gaismair ie stat na figura zentrela per la vieres sozieles di paures ti raions dl Tirol y de Salzburg ti ani 1524-1526. Si mpëni per iustizia soziela à fat sci che l ie deventà una dla figures zentreles che à cumbatù contra la sotmiscion da pert di nëubli y di prevesc y un di prims che se à batù per i prinzips demucratics.
Dis de furmazion dai 2 nchin ai 9 de mei
Cun i dis de furmazion dëssa la ufiertes de furmazion politica giapé na sburdla y plu vijibltà te Südtirol. Uni ann vëniel nscila metù una na tematica tl zënter. Chëst anni ie l moto: Oportunités.Parité - Chancen.Gerechtigkeit - Pari.Opportunità
La vijion dla iustizia y dla valivanza dla oportuniteies ie n mond te chël che uni persona à l medemo mesun de lascé ora si putenzial. Te uni ciamp y unfat da ciuna che ie si esprescions sozioculturela. L ti vën tlo jit do a plu dumandes: ulà sons’a sun l troi de viers de chësta vijion? Sun ciun sasc ciumpedons’a nëus? Co pudons’a ti jì permez deberieda y abiné soluzions che ne nes lascia nia mé vester medemi dan la lege?
Fé pea y nunzië manifestazions nchin ai 4 de merz
Urganisazions, lies, grupes de jëuni, tlasses de scola ma nce persones singules vën nviedes a fé pea pra i dis de furmazion y a urganisé na manifestazion. L possa nce unì dat ite manifestazions che à da n fé cun d’autra tematiches.
Nscila vëniel a s’l dé na ufierta cun truep mesuns de se dé ju te na maniera critica cun tematiches atueles, per ruvé a n savëi plu sot y ala menuda y per ntënder nscila miec relazions sozieles.
Nfurmazions sëuraprò n con’ dl pruiet, dla tematica dl ann y la cundizions per fé pea vëniel dat ora dal Ufize provinziel per la Furmazion Permanënta y la Rujenedes, numer de telefonn 0471 413381. Duta la nfurmazions ie nce da abiné sun la plata internet dla Provinzia www.provinz.bz.it/politische-bildung.
red
