Assessur Schuler pro le seminar dl Bioland: „Sostignì l’archirida“
„La produziun ecologica po imparè dala produziun integrada y insciö inzescü“, chësc à dit inier (22/01) l’assessur por l’agricoltöra Arnold Schuler tratan le semiar "Bioland Südtirol" sön le lian danter l'ecologia y l'agricoltöra. Söporjö 200 partezipanć, danter chisc inće le suranstant dl „Bioland Südtirol“ Michael Oberhollenzer y la direturia Jutta Staffler, s’incunta dui dis söl Ritten.
„Na maiù conscidraziun dl’ecologia tl agricoltöra é n svilup che mëss gnì portè inant te plü direziuns“, à sotrissé inier, vëndres ai 23 de jenà, l’assessur por l’agricoltöra Arnold Schuler tratan le dialogh sön le svilup dla politica agrara cun le suranstant dl „Bioland Südtirol“ Michael Oberhollenzer y cun le professur Carlo Leifert dl Université de Newcastle. „Öna dles chestiuns fondamentales“ – à recordè l’assessur – „é chëra de capì les rajiuns y les condiziuns, por ejëmpl por ći che reverda le trasport y i avanć da desgorje. Öna dles prioritês de chësc ann sarà porchël la formaziun di paurs sön techniches nöies di mesi por la sconanza dles plantes.“
„Iö sun n paur cun anima y corp y i laori sön n lüch da paur cun pom, iarines y ćiavai“, à recordè l'assessur Schuler y à alzè fora le fat che l’agricoltöra mëss afrontè aldedaincö desfides nöies, inće deache la sozieté é deventada plü critica y se damana mudamënć. „Nosta intenziun é chëra da sostignì ćiamò deplü le setur dl’agricoltöra tres l’archirida y la consulënza por podëi ti pitè ales aziëndes y ai paurs respostes concretes por ći che reverda le svilup dla natöra y dl'agricoltöra tl dagnì te Südtirol“, à stlüt jö l'assessur Schuler.
rc
