Museums | 05.04.2012 | 09:15

Museum Ladin plu giut daviert

USP – Do Pasca uniral slungià i orars de giaurida dl Museum Ladin Ciastel de Tor y de si sënta destacheda Ursus Ladinicus a S. Ciascian.

I orars nueves dl Museum Ladin y de si sënta destacheda scumëncia cun l merdi do Pasca, ai 10 de auril. Cun chisc orars de sajon auta sarà i doi museums plu giut davierc al publich. Tramedoi sëntes giaurirà dal merdi ala sada dala 10 danmesdì nchin la 6 da sëira y de dumënia dala 2 ala 6 domesdì. De lugio y agost uniral nce giaurì de lunesc dala 10 da duman ala 6 da sëira.

L Museum Ladin Ciastel de Tor ie dedicà ala populazion ladina,  si storia y cultura. Tl Museum Ladin Ursus Ladinicus possen mparé a cunëscer miec la lores de Conturines y l raion Dolomites dan 40.000 ani. La cherta de ntreda vel per tramedoi museums.

Nfurmazions plu avisa giaten tl Museum Ladin, tres telefonn al numer 0474 524020 y tres internet, sun la plata www.museumladin.it.

as

Galaria dales fotografies