Atualità
#prömtëmp: Incuntada cun l’assessur Alfreider ai 19 de agost
L’assessur Daniel Alfreider inviëia en jöbia ai 19 de agost a n termin cun i media por rajoné dles tematiches dla mobilité y infrastrotöres. Preodüda ai 27 de agost n’incuntada cun i media ladins.
Dal 2019 inant é Daniel Alfreider vizepresidënt dla Junta provinziala y assessur por la scora y cultura ladina, la mobilité y les infrastrotöres. Por baié di dui agn y mez passá y dles tematiches dl dagní ti seturs dla mobilité y dles infrastrotöres él preodü n’incuntada cun i media tl contest dla ligna de scomenciadies #prömtëmp
en jöbia, ai 19 de agost dl 2021
dales 09:30
tla sënta dl Sorvisc Strades de Salten-Schlern
a Balsan Süd, Grutzenweg 3.
L’incuntada sará en presënza zënza livestream. Vignöna y vignun é damané da se tigní ales regoles atuales por archité la defujiun dl coronavirus.
IMPORTANT
Por ci che reverda le setur dla scora y cultura ladina él l’assessur Alfreider che inviëia i rapresentanc di media ai 27 de agost söl Ju de Frara por n'incuntada de bilanz y por traté les tematiches dl dagní tl contest dla ligna de scomenciadies #prömtëmp.
Clican chiló röiun ala verjiun originala dl comunicat stampa por visualisé imajes, documënc o video che taca lapró
