Atualità
Statala de Gherdëna stlüta porvia dla tomada de lëgns sön strada
La strada statala de Gherdëna (SS242) é sarada porvia dla tomada de lëgns danter Pontives y Pruca. Deviaziun dl trafich por la strada statala 242dir danter Tlüses y Pontives y la strada provinziala 82
Porvia de ones de vent danter la nöt dal mercui (7 de lugio) ala jöbia (8 de lugio) él tomé na seria de lëgns sön la strada statala de Gherdëna 242 danter Pruca y Pontives. Al é ince rové sön strada tröp material y peres y la strada á insciö gní messü stlüta al trafich. Atualmënter él le Sorvisc Strades dla Provinzia che coordinëia i laurs da romené sö y da mët en sigurté le toch de strada. “I laurs vá inant te na manira asvelta y i ciarun da podëi daurí la strada sön öna na striara por indoman da sëra”, dij Alexander Zelger dl Sorvisc Strades. Dlungia le Sorvisc strades él sön le post le Ofize Geologia dla Provinzia y döes impreses inciariades da romené sö.
Deviaziun dl trafich por la strada provinziala 82 danter Pruca y Laion/Ried y por la strada statala 242dir danter Tlüses y Pontives.
USP/red/fg
Galaria dales fotografies
