Atualità
Mostra fotografica “Le monn ne basta nia” a Al Plan de Mareo
La mostra cun fotografies de Fabian Haspinger “Le monn ne basta nia” gnará inaudada tl Zënter dl Parch natural Fanes-Senes-Braies en presënza dl’assessuria Hochgruber-Kuenzer ai 25 de jügn.
Cina la fin de otober sarál da odëi tl Zënter dl Parch natural Fanes-Senes-Braies la mostra speziala “Le monn ne basta nia” dl fotograf Fabian Haspinger. Cun sües fotografies ó Haspinger invié da ponsé do sön les mudaziuns di paesaji do che la porsona fej sö strotöres o operes amesa la natöra. Le titul dla mostra “Le monn ne basta nia” é n pinsier che vá tla direziun che ala porsona ne ti bastel nia la dimenjiun naturala dl monn y che ara ó porchël la mudé.
L’assessuria provinziala por la natöra, le paesaje y le svilup dl teritore Maria Hochgruber Kuenzer inaudará la mostra en presënza de Fabian Haspinger
en vëndres, ai 25 de jügn dl 2021
dales 18:00
tl Zënter dl Parch natural Fanes-Senes-Braies
strada Catarina Lanz 96
Al Plan de Mareo.
Le proiet gnará presenté da Rupert Larl dl’assoziaziun Fotoforum de Desproch. Porvia dles mosöres de prevenziun sanitara él nezesciar da comuniché la partezipaziun al Zënter dl Parch natural al numer de telefon 0474 506120 o tres email: info.fsp@provinz.bz.it
USP/mpi
