Atualità
Coronavirus: 2.145 porsones positives, 374 porsones varides
L'Aziënda sanitara dl Südtirol comunichëia i dac ajorná a livel provinzial sön la situaziun dl'epidemia da Covid-19.
L’Aziënda sanitara dl Südtirol ciara inant da ciafé sö le numer dles porsones che s’á taché le Coronavirus. Chiló dessot ciafëise i dac ajorná incö dadoman (13 d’aurí): ti laboratori él gnü ejaminé tles ultimes 24 ores 911 tesć, pro 51 de chisc é le resultat sté positif. Sön la basa de chisc dac, lasciá alsavëi dal’Aziënda sanitara dl Südtirol, é le numer dles persones cun n resultat dl test dl Coronavirus positif 2.145.
Indöt él gnü fat cina sëgn tla provinzia dal’Aziënda sanitara 24.157 tesć a 12.044 porsones.
Al é indöt 215 paziënc Covid-19 tles repartiziuns normales di set ospedai dl’Aziënda sanitara, tles cliniches convenizonades y tla basa logistica dles forzes armades arjignada ca aposta a Gossensaß. 65 porsones assistides tles strotöres dl’Aziënda sanitara dl Südtirol é caji sospec.
Al é 30 porsones tles repartiziuns de terapia intensiva. Implü él 8 paziënc te repartiziuns de terapia intensiva tl’Austria (Reutte, Lienz, Hall, Innsbruck, Feldkirch) y tla Germania (Lipsia).
Ti ospedai él mort 135 porsones porvia dl Covid-19. 80 porsones é mortes tles ciases de palsa. Indöt él mort 215 porsones tl Südtirol porvia dl Covid-19.
3.125 porsones é sëgn te carantena obligatoria o isolamënt a ciasa. 4.785 porsones á bele stlüt jö la carantena y l’isolamënt a ciasa. Cina sëgn ti él gnü scrit dant a 7.910 porsones da sté te carantena.
I operadus dl’Aziënda sanitara cun test positif é 213.
Plü 11 doturs de medejina generala y dui doturs di mituns de lita lëdia.
374 porsones é varides dal Covid-19. Implü vëgnel lapró 163 porsones che á albü n resultat dl test nia tler y che á spo albü dui iadi dedo n resultat negatif. Soma totala 537.
Definiziuns desfarëntes de "varí"
L’Aziënda sanitara stlarësc che da inier vëgn i "varis" cumpedá te dui grups desfarënc: da öna na pert les porsones daimpröma positives al Covid-19 che á spo fat dui tesć cun resultat negatif y spo n ater grup cun porsones che á daimpröma albü n test nia tler o malsigü y che á spo fat dui tesć negatifs. Le Ministere dla Sanité a Roma registrëia sciöche varis ma chi dl pröm grup.
Dal punt de odüda epidemiologich vëgnel ince araté les porsones cun n nia tler o malsigü sciöche caji positifs, deache ai é stá en contat cun le virus y deache ai vëgn spo metüs te carantena, spliga l’Aziënda sanitara. Al é ince preodü te chisc caji da fá dui tesć cun resultat negatif por resulté sciöche "varis". Le Ministere dla Sanité a Roma registrëia sciöche varis ma chi dl pröm grup.
I numeri en cört:
tesć fac inier (12 d‘aurí): 911
tesć positifs cina incö dadoman: 51
numer complessif di tesć fac: 24.157
numer dles porsones sotmetüdes al test: 12.044
numer dles porsones cun resultat dl test positif: 2.145
paziënc Covid-19 tles repartiziuns de ospedal normales, tles cliniches convenzionades y a Gossensaß: 215
numer de paziënc Covid-19 te repartiziuns de terapia intensiva: 30
numer de paziënc Covid-19 te repartiziuns de terapia intensiva forestes: 8
caji sospec: 65
porsones mortes ti ospedai dl’Aziënda sanitara: 135
porsones mortes indöt (cun lapró les ciases de palsa): 215
porsones te isolamënt a ciasa: 3.125
porsones che á stlüt jö la carantena y l’isolamënt a ciasa: 4.785
porsones dötadöm atocades da mosöres de carantena obligatoria o isolamënt a ciasa: 7.910
colaboradus dl’Aziënda sanitara cun test positif: 213
doturs de medejina generala y doturs di mituns de lîta lëdia positifs: 13
porsones varides: 374: implü röiel lapró 163 porsones che do da n test nia tler á spo fat dui tesć cun resultat negatif.
porsones varides dötadöm: 537 (48 omplü)
USP/asds
