Atualità
162 diploms per maestri de schi, 33 tla valedes ladines
USP – 162 maestri de schi nueves i anjeniei per l nseniamënt sun i purtoies. Tl cheder dla fiera „Prowinter“ à l assessëur Hans Berger (NCUEI) ai 15 de auril pudù sëurandé i diploms a 72 maestri de schi alpin, 14 maestri de podejé, 19 maestri de snowboard y 28 diretëures dla scoles de schi. 18 maestri de schi à stlut ju na spezialisazion per lauré cun mëndri. Danter i diplomei nueves iel de ndut 33 ladins.
Maestri de schi ne ie nia me ejëmpli sun i purtoies, i à nce na funzion de prejenté l raion. Pra la sëurandata di diploms à l assessëur Hans Berger, sorissà si mpurtanza tl turism da inviern che ie una dla seves prinzipeles dl bënsté te nosta provinzia. Per chësta rejon vëniel dat tan pëis a na bona furmazion di maestri de schi. „La furmazion y l ejam ie drët mpeniatives, perchël iel ta ti fé i auguresc a duc chëi che ie passei“ à dit l assessëur al turism.
Na bela pert di maestri de schi nueves vën dala valedes ladines. 21 maestri à fat l ejam per l schi alpin, 9 de telemark, un de snowboard y doi per fé i diretëures de scola de schi.
Pra la sëurandata iel unì sorissà che i maestri de schi ne à nia me respunsabltà n cont de si sculeies, ma nce per l bon inuem dl raion da jì cun i schi, l raion de feries y per duta la provinzia. Per chësta rejon ne vëniel nia me valutà l savëi tecnich, ma nce l savëi pedagogich y la capaziteies de lauré cun jënt. „Te chësc mestier vala de dé inant savëi y nce la legrëza per la nëif, l sport y l muvimënt, ma no de se mëter nstësc tl zënter“ à dit Berger che ie nstës maester de schi.
Tla Talia muessen fé na furmazion da maester de schi de 90 dis ulache l vën tratà la pert pratica y teorica. Per deventé maester de schi muessen fé de plu ejams pratics, didatics y de teoria. De ndut dura la furmazion per deventé maester de schi alpin, snowboard o podejé trëi ani. Do l ejam dl prim livel muessa i candidac fé almanco 100 ëura de pratica sciche assistënc per pudëi pona jì inant cun la furmazion.
La camera di maestri de schi pieta for inò spezialisazions sciche chëla per lauré cun mëndri o per fé diretëur de scola de schi.
Diplomei dla valedes ladines
21 (de 72) maestri y maestres de schi
Simon Avesani, Urtijëi
Martin Avi, Sëlva
Julian Bernardi, La Ila
Emil Brunner, Alba de Cianacei
Julia Demetz, S.Cristina
Patrick Demetz, S.Cristina
Laura Di Genova, Corvara
Walter Feichter, Al Plan
Mattia Felicetti, Moena
Matthias Frontull, La Ila
Ivan Irsara, La Ila
Sara Mastel, Cortina d’Ampëz
Nicola Rizzato, Pera de Fascia
Egon Rubatscher, La Val
Tanja Runggaldier, S.Cristina
Damian Senoner, Sëlva
Gabriel Stuffer, Urtijëi
Rene Überbacher, Runcadic
Sabine Vollmann, Colfusch
Lois Willeit, Enneberg
Patrick Zingerle, La Ila
2 (de 11) dirijënc de scola
Heinrich Mutschlechner, Al Plan in Enneberg
Luciano Pioli, Sëlva
1 (de 19) measter de snowboard
Lukas Runggaldier, Sëlva
9 (de 31) maestri y maestres de telemark
Giacomo Granruaz, Badia
Ivan Irsara, Corvara
Michael Moling, Colfusch
Daniel Pescollderungg, Colfusch
Elias Pezzedi, Corvara
Giorgia Rizzo, Corvara
Giusy Rottonara, La Ila
Giovanni Schiratti, Corvara
Barbara Vollmann, Colfusch
as
Galaria dales fotografies
(Foto: USP/Pertl)
