Sorvisc de volontariat europeich (SVE)

Tl cheder dl ERASMUS+ (Link forest)

Chësc sostëgn europeich dá la poscibilité da podëi ti jí do a n’ativité de volontariat foradecá por n tëmp plü lunch, praticamënter zënza ne mëssëi paié nia.

Condiziun: n SVE mëss gní organisé altamo 6 mëisc danfora.

La jonëza danter 18 y 30 agn (cun ezeziuns motivades ince dai 17 agn insö) che ó fá n SVE, pó tó sö contat cun nos, deache ma n’organisaziun acreditada pó damané do chësc sostëgn finanziar te n tëmp determiné, y nia la jonëza instëssa. L’Ofize Sorvisc por la jonëza é bele da tröc agn n’organisaziun de provegnënza acreditada por le SVE.

I volontars y les volontares dl dagní ciafa da nos informaziuns y vëgn aconsiá, sostignis y assistis, da mëte man dala presentaziun dla domanda cina ala conclujiun dl SVE. Nos pitun ince consëis por l’inrescida de n partner de proiet, sciöche ince conversaziuns danfora por stlarí la motivaziun personala y por n miú orientamënt.

Le proscim termin por damané do n sostëgn finanziar por n SVE toma ai 26 de aurí dl 2017.

Por la jonëza che á fat domanda cun suzes foradecá DAN da chësc termin, o miú dit por chi che á ciafé n proiet, pó l’Ofize Sorvisc por la jonëza fá domanda por ciafé le sostëgn finanziar europeich cina ai 26 de aurí.

Sce la domanda vëgn tuta sö, pó le volontar o la volontara mëte man n SVE danter le 1. de agost y le 31 de dezëmber dl 2017.

La dorada ideala de n SVE é dai 6 ai 9 mëisc.

  • Co y olá ciafon pa proiec da foradecá?
  • Co fejon pa da fá domanda?
  • A ci mësson pa mëte averda?
  • De ci proiec se tratel pa? Can vëgni pa fac? Tan dî döri pa? Ci recuisic mësson pa avëi?
  • Te ci paisc án pa plülere suzes da fá domanda?

Les respostes a chëstes domades pón ciafé pro les incuntades D'INFORMAZIUN DOMISDÉ:

  • en mercui, ai 23 de agost dl 2017
  • en jöbia, ai 19 de setëmber dl 2017
  • dales 15.00 ales 16.00 por todësch
  • dales 16.00 ales 17.00 por talian

tl Palaz Provinzial 7, strada Andreas Hofer 18 a Balsan, tl salf dles conferënzes tla 3a alzada

Posć lëdi da agost/setëmber inant olache an pó fá n SVE:

Les domandes pó gní menades a franca.depasquale@provinz.bz.it.

Letöra

La banca dac di proiec acreditá por le Sorvisc de volontariat europeich: https://europa.eu/youth/volunteering/evs-organisation_en#open (Link forest).

Le portal europeich dla jonëza: http://europa.eu/youth/Eu_de (Link forest).

La plata internet dl'Agenzia Nazionala dla Jonëza, che aministrëia tla Talia i scioldi dl sostëgn dl ERASMUS+/Jonëza en Aziun: www.agenziagiovani.it (Link forest).

Contat

Franca Riesch-De Pasquale
Tel.  0471 413378
E-Mail: Franca.DePasquale@provinz.bz.it

Orar de laur: prinzipalmënter de lönesc, jöbia y vëndres

Prëitambel fá fora n termin!