Atualità
Scolines ladines: Iscriziuns por l'ann de scolina 2017/2018
Dai 16 ai 19 de jená dl 2017 sarál poscibl da fá les iscriziuns di mituns y dles mitans tles scolines dles valades ladines por l’ann de scolina 2017/18.
L’Ispetorat por les scolines ladines dl’Intendënza scolastica ladina lascia alsavëi che dai 16 ai 19 de jená dl 2017 sarál poscibl da fá les iscriziuns di mituns y dles mitans tles scolines dles valades ladines por l’ann de scolina 2017/18.
Al po se scrí ite i mituns nasciüs danter le 01/09/2011 cina ai 28/02/2015. Pro l’iscriziun él da se tó para le codesc fiscal dl möt o dla möta.
Les iscriziuns dles mitans y di mituns tles scolines dles valades ladines por l’ann 2017/18 vëgn tutes sö dai 16 ai 19 de jená diretamënter tles singules scolines.
Informaziuns plü monüdes che reverda l’iscriziun él i geniturs che po ciafé diretamënter tles scolines competëntes tl Comun de residënza, tres l’Ispetorat por les scolines ladines (strada Binder 29, Balsan, tel. 0471 / 41 70 05) pro la sënta dla Direziun dles scolines Ladinia a Urtijëi (strada Roma 4, tel.: 0471 / 79 71 17) y pro la seziun destacada a Picolin (tel. 0474 / 52 41 17).
usp
