Atualità
De dla Cultura ladina ai 21 d’otober: Migraziun tl zënter
„Migraziun – cultures en movimënt“ é la tematica dl De dla Cultura ladina che gnará tigní en vëndres ai 21 d’otober tla Ciasa dla Cultura a La Ila.
Le Departimënt Educaziun y Cultura ladina dla Provinzia de Balsan lascia alsavëi che le De dla Cultura ladina 2016 vëgn organisé iniann en vëndres ai 21 d’otober tla Ciasa dla Cultura a La Ila y á sciöche tema la migraziun che gnará analisada da plü punc d’odüda. Les parores de salüt gnará portades dant dal assessur por la cultura ladina Florian Mussner y le diretur de Repartiziun Alexander Prinoth fajará n’introduziun. Franz Kripp, diretur dla Caritas dla Diozeja Balsan – Porsenú portará dant n referat dal titul "Flucht". Dedo vëgnel metü a jì na mësa torona cun l'assessur Florian Mussner, la responsabla dl’integraziun dl Departimënt Carla Comploj y da André Comploi che vir y laora da plü agn a Viena y da Gábor Sógorska che vir y laora da plü agn tl Südtirol che cuntará dles sües esperiënzes personales. La moderaziun gnará fata da Sara Frenner y dla cornisc musicala se cruziará la Scora de Musiga Val Badia. Por dötes les porsones interessades vëgn le De dla Cultura ladina metü a jí
en vëndres, ai 21 d’otober dl 2016
dales 3 domisdé
tla Ciasa dla Cultura
a La Ila.
rc
