Atualità
Fin dl ann de scora: Conferënza stampa ai 15 de lugio
Na suraodüda sön l’ann de scora apëna rové y sön i resultac di ejams finals gnará presentada dai trëi assessurs por la scora ai 15 de lugio a Balsan.
Cun la contlujiun di Ejams de Stat tles scores altes se röia ince l’ann scolastich 205-16 por dötes les scores che fej pert dles trëi Intendënzes ladina, todëscia y taliana. L’ann de scora 2015/16 sará ince tl zënter de na conferënza stampa di trëi assessurs por la scora ai 15 de lugio a Balsan.
Tratan la conferënza stampa gnarál presenté n bilanz general dl ann scolastich rové adöm cun i resultac di ejams finai dles scores altes y mesanes. La conferënza stampa sará en
vëndres, ai 15 de lugio 2016,
dales 09.00
tl salf stampa de Palaz Widmann
plaza Silvius Magnago 1
a Balsan.
Adöm ai trëi assessurs por l’istruziun Christian Tommasini, Florian Mussner y Philipp Achammer sarál ince presënc i dui intendënc Roland Verra y Peter Höllrigl y l'intendënta Nicoletta Minnei.
rc
