Atualità
Dala Junta: tles scores mesanes se röia l’ann scolastich ai 15 de jügn
Les leziuns tles scores mesanes dla Provinzia se röia inann ai 15 de jügn, impede co ai 16: chësta dezijiun él sté la Junta provinziala che á tut incö.
L’ann de scora por i scolars dles scores mesanes se röia inann ai 15 de jügn, n de denant co la data preodüda: chësta é stada la dezijiun dla Junta provinziala do che le Minister dl’Istruziun á antizipé ai 16 de jügn la proa nazionala INVALSI. Le calënder 2015/16 prevëiga por dötes les scores dl Südtirol la contlujiun dl ann scolastich por en jöbia ai 16 de jügn. Da Roma él indere gnü la comunicaziun che le Miur (Minister dl’istruziun université y archirida) á antizipé la data dla proa nazionala dl INVALSI tl contest dl ejam de Stat por ai 17 de jügn.
Ince por les scores mesanes dla Provinzia de Balsan él insciö nezesciar da anizipé la contlujiun dles leziuns por en mercui ai 15 de jügn. La proposta presentada dai assessurs competënc Florian Mussner, Christian Tommasini y Philipp Achammer é gnüda aproada incö dala Junta provinziala. Al ne gnará nia recuperé les leziuns de ai 16 de jügn y ince i contrac cun le personal de suplënza resatará i medemi.
La proa scrita nazionala á le fin da valorisé i standarg de aprendimënt di studënc che frecuentëia le terzo ann de scora mesana. Di contignüs dl test se crüzia l’Istitut nazional por la valutaziun dl sistem dl’istruziun (INVALSI).
rc
