Atualità
La Biblioteca Teßmann resta stlüta dai 10 ai 23 de ma
La Biblioteca provinziala todëscia Friedrich Teßmann resta stlüta por döes edemes porvia dl passaje a n program de gestiun nü.
Dai 10 ai 23 de ma dl 2016 romagn la biblioteca provinziala Dr. F. Teßmann stlüta porvia dl passaje a n program de gestiun nü. De conseguënza ne pón nia s’anuzé dl cunt d’imprëst y dla inrescida tl catalogh da en lönesc ai 09 de ma (dales 18:00 inant) cina ai 23 de ma.
I libri da rete pó gní metüs tl contignidú aposta al’entrada dla biblioteca provinziala, 24 ores sön 24. I libri vëgn tuc fora de plü iadi al de dales colaboradësses y dai colaboradus dla Biblioteca provinziala.
L'imprëst interbibliotecar danter les biblioteches dl Südtirol gnará a s'al dé insciö:
I libri prenotá te öna dles biblioteches che fej pert dl imprëst interbibliotecar dl Südtirol cina en vëndres, ai 6 de ma, pó gní retrac en mercui, ai 11 de ma, dal sorvisc da curier che i dá jö sciöche zënza tla biblioteca corespognënta.
La consegnaziun derevers ala Biblioteca provinziala pó gní fata tratan döt le tëmp de stlüta. Da en mertesc, ai 24 de ma dl 2016 inant é düc i sorvisc indô a desposiziun y l'imprëst interbibliotecar danter les biblioteches dl Südtirol funzionëia indô sciöche tres.
La Biblioteca provinziala "Friedrich Teßmann" á süa sënta tla strada Armando-Diaz 8 a Balsan, tel. 0471 471814, e-mail info@tessmann.it; web http://www.tessmann.it/
rc
