Atualità
Lecort a sn. Cristl Moroder dl assessëur ladin Florian Mussner
“Seniëur Cristl Moroder nes à cun la bibies ladines lascià n arpejon che merita gran unëur”, nsci lecorda l assessëur Mussner l pluan de La Ila Cristl Moroder, mort l ultima nuet tl’età de 92 ani. Moroder à dat ca si vita per la cura dl’anes sciche caplan, tl Johanneum a Dorf Tirol y pona a La Ila ulache l à laurà inant nce do la pension. Nsci nes resta n lecort per se avëi dedicà al proscimo.
Cristl Moroder à fat la traduzion tl gherdëina de plu libri da mëssa, tla bibia di Sandis y pona mo dl nuef y vedl testamënt. “Dlongia si gran mpëni da preve, al bele riesc do la viera metù man a coordiné y scrì l Calënder de Gherdëina. Publicazion che ie ruveda per 50 ani te nosta families cun la sotscrizion de seniëur Cristl”, lecorda l assessëur Mussner. La uneranzes dl Land Tirol cun la crëusc de merit l ann 2014 y la bedaia de merit l ann 1998, ie me n pitl sëni de recunescënza da pert dl aministrazion provinziela per dut chël che sn. Cristl Moroder à fat per nosta cumenanza: deventan preve, 41 ani tl seminar Johanneum y 22 ani a La Ila. “Nsci me lecordi cun plajëi al ultimo nuvëmber canche é pudù sëurandé a seniëur Cristl na uneranza per si meric n ucajion di Di di cronisć”, nsci l assessëur Mussner.
OSP
