Atualità
“Affenwetter”: Na vernissage dla Scola prufesciunela Cademia
Da udëi mo nchin ai 19 de merz sarà la vernissage “Affenwetter” tl atelier dla Lia Mostra d’Ert de Urtijëi sun Plaza Sant Antone: de ndut 22 studëntes y studënc à realisà de plu operes d’ert tl cuntest dl curs de spezialisazion per scultures dla Scola prufescionela per l artejanat artistich “Cademia” de Urtijëi. La ntreda ie debant.
Cunlië i aspec defrënc dl’ega, dl mol y dl tume per traspurté i vijitadëures ti bòsc tropichei: chësc ie l tema prinzipel dla vernissage “Affenwetter” che ie da udëi atualmënter tl atelier dla Lia Mostra d’Ert Urtijëi sun Plaza Sant Antone tl zënter dl luech. La mostra à sciche fin chël de ti dé na lerch speziela ala operes d’ert di studënc y dla studëntes dl curs de spezialisazion per scultëures dla Scola prufescionela per l artejanat artistich de Gherdëina per valorisé y mustré su talënc y si capaziteies. I lëures artistics ie unic realisei ntan i ani de scola 2014/15 y 2015/16, la materia primera d’elaburazion ie stata l lën.
I artisć y l’artistes ie Colmellere Pietro, Deflorian Giacomo, Fabi Valentina, Herster Johannes, Mayr Clara, Mussner Hannes, Onofrio Mattia, Paris Maylis, Schwarz Daniela, Tafur Tomas, Taufer Jennifer, Taufer Loredana, Zeni Davide, Bettega Yuri, Dromard Alice, Ehrenberg Robert, Holler Alessandro, Kostner Marko, Miola Gianluca, Peloni Marco, Sieberer David y Zanardini Carlotta.
Dl’urganisazion y dl cunzet dla vernissage s’à cruzià i maestri Andreas Tomasini, Filip Piccolruaz, Andrea Holzknecht, Hugo Insam, Katia Mussner, Roland Senoner y Norbert Insam. La vernissage ie da udëi mo nchin ai 19 de merz, dal lunesc ala juebia for dala 10.00 ala 12.00 y dala 17.00 ala 19.00, dal vënerdì ala dumënia for dala 10.00 ala 12.00 y dala 16.00 ala 19.00. La ntreda ie debant.
Per plu nfurmazions: Scola prufesciunela per l artejanat artistich; streda Rezia 295, 39046 Urtijëi; tel. +39/0471 79 67 33.
USP
Galaria dales fotografies
