Atualità
Dala Junta: Stipendiums por la formaziun do i stüdi al’Université
La Junta provinziala á tut incö ( al 1 de dezëmber) la dezijiun da scrí fora n concurs por la conzesciun de stipendiums por la formaziun do l’Université cun referimënt ala perioda danter le 1 de otober cina ai 30 de setëmber dl 2016.
La bandida de concurs aprovada dala Junta reverda la conzesciun de stipendiums a studënc che, tla perioda danter le 1 de otober dl 2015 cina ai 30 de setëmber dl 2016, fej n curs de formaziun do la contlujiun di stüdi al’Université. Les formes preodüdes é le master de formaziun, n curs de spezialisaziun, n practicum de formaziun ativa, i percursc de formaziun spezialisá por l’abilitaziun, n dotorat de inrescida/curs de dotorat o n practicum d’oblianza por avëi azes ales profesciuns regolamentades o por l’abilitaziun profescionala.
Aladô dla forma de formaziun do la contlujiun di stüdi universitars vel i stipendiums danter 3 mile y 9 mile euro. La soma vëgn calcolada tignin cunt di credits formatifs, dl davagn „depuré“ (che ne pó nia superé i 32mile euro o ti caji de practiums profescionai i 20mile euro), la soma dles cutes dl’Université, la dorada di practicums y davagns eventuai tratan la perioda de practicum y/o dl proiet de archirida. Al ne pó nia tó pert ales bandides de concurs düc i studënc che ciafa bele d’atri sostëgns ala formaziun conzedüs da d’atres istituziuns.
I studënc pó presenté les domandes por tó pert ala bandida de conzesciun di stipendiums al Ofize por la promoziun dl stüde universitar, strada Andreas Hofer 18, 39100 Balsan. Les domandes mëss gní presentades cina al 1 de jená dl 2016 y cina al 30 de setëmber dl 2016. Por plü informaziuns:
www.provinz.bz.it/bildungsfoerderung/
rc
