Atualità
Tröpes scomenciadies en gaujiun dl De dles Biblioteches ai 24 d’otober
Por le setimo iade inviëia plü de 100 biblioteches te döt Südtirol al „De dles Bilioteches“ ai 24 d’otober dl 2015. Al vëgn pité scomenciadies de letöra y ativités leterares tratan döt le findledema y ince cina l'edema che vëgn. Danter l’ater él sön le program incuntades cun i auturs, presentaziun de libri, ativités tles scores yii. De plü é ince les ativités tles valades ladines.
Le „De dles biblioteches“ vëgn organisé te Südtirol dal 2009 inant en gaujiun dl De dles biblioteches ai 24 d’otober metü a jí tradizionalmënter ti raiuns todësch. Nia ma les gran biblioteches dl cités, mo ince les biblioteches scolastiches y les plü mëndres fej para cun ativités desvalies. „Les biblioteches ne ti pita nia ma ai vijitadus na seria de foliec y libri, ma ares organisëia ince n gröm de scomenciadies d’aprofondimënt cultural y d’aorela cörta por pici y gragn“ spliga l’assessur Philipp Achammer. Ince n’inrescida metüda da jì dal’Uniun dles Families Catoliches de Südtirol (Katholischer Familienverband) á ciafé fora che les biblioteches vëgn valutades dër positivamënter por ci che reverda la conscidraziun dles families tles istituziuns comunales.
Dötes les scomenciadies che vëgn metüdes a jí por le De dles biblioteches pó gní consultades sot a: http://2015.tagderbibliotheken.bz.it/
Tles valades ladines vëgnel metü a jí chëstes scomenciadies:
Gherdëna
"LiteraKino Special" Proieziun de films por adulc: Biblioteca de valada San Durich a Urtijëi (plaza San Durich 9) en vëndres ai 23 d’otober dales 20.30 inant. Por plü informaziuns: Klaudia Taschler (0471 / 797814)
"Mattinee" pro n café o n gote de vin blanch cun acompagnamënt musical tla biblioteca Tresl Gruber a Santa Crestina (strada Chemun 35) en domënia ai 25 d’otober dales 10.00. Por plü informaziuns: Thea Demetz (0471 790016)
Scomenciadies por scolars y scolares dla scora mesana da Sëlva en mertesc ai 27 d’otober tla biblioteca dla scora mesana de Sëlva (str. Plan de Tieja 92). Por plü informaziuns Elfriede Perathoner y Maria Cristina Senoner (tel. 0471 794033)
Scomenciadies por scolars y scolares dla scora mesana de Urtijëi tla edema 19-23 d’otober tla biblioteca dla scora mesana de Urtijëi. Por plü informaziuns: Simonetta Pancheri (pncsntm57@schule.suedtirol.it)
"N liber – na sorpresa": ativités da pastelné y da lí por les scolares y i scolars dla scora elementara de Urtijëi en vëndres ai 23 d’otober danmisde tla bibiloteca dla scora raionala de Urtijëi. Por plü informaziuns: Simonetta Pancheri (pncsntm57@schule.suedtirol.it)
Val Badia
Presentaziun dl liber "Stories de vita" dles cunties de Luis Zagler traslatades tl ladin da Genny Ploner y daurida dla mostra de fotografies en vëndres ai 23 d’otober dales 18:00 tl salf dl Istitut Ladin Micurá de Rü a San Martin de Tor. Por plü infomraziuns: biblioteca@micura.it.
"Amisc dla letöra s’incunta": manifestaziun leterara en vëndres ai 23 d’otober dales 20:00 tla biblioteca de Badia. Por plü informaziuns: Trebo Resi (0471/839994)
"Florian y le pice igl": presentaziun dl liber y dla CD audio de Irene Moroder y de Georg Malfertheiner en sabeda ai 24 d’otober dales 10:00 tla biblioteca „Angelo Trebo“ a Al Plan de Mareo. Por plü informaziuns: Trebo Resi (0471/839994)
"I musiconc de Brema – storia di Fredesc Grimm en rima": presentaziun dl liber por mituns y mitans de Silvia Costabiei en sabeda, ai 24 d’otober dales 15:00 tla biblioteca „Sas dla Crusc“ a La Ila. Por plü informaziuns: Trebo Resi (0471/839994)
rc
