Atualità
Inauguraziun dl ann nü dles scores de musiga al 1 de setëmber
En ocajiun dl scomenciamënt dla ann nü dles scores de musiga vëgnel metü da jí en mertesc, al 1. de setëmber dales 14.45 tla sënta dla scora profescionala por l’agricoltöra a Auer n convëgn por düc i maestri de musiga dles scores de musiga ladines y todësces. Ala manifestaziun tolarál ince pert l’assessur Achammer, l’intendënt Höllrigl y la direturia dles scores de musiga Vieder.
Les scores de musiga ladines y todësces inagurëia adöm cun n convëgn l’ann de scora nü. Do les parores de introduziun al ann scolastich 2015/16 da pert dl assessur Philipp Achammer, dl intendënt Peter Höllrigl y dla direturia dles scores de musiga Irene Vieder gnarál organisé n convëgn cun düc i partezipanc por elaboré y descurí les tematiches prinzipales dl ann de musiga nü.
La conferënza d’inauguraziun dles scores de musiga ladines y todësces sará
en mertesc, al 1 de setëmber
dales 14.45
tl’aula magna dla scora profescionala por l’agricoltöra
strada Schlossweg 10
a Auer.
rc
