Atualità
Dai 3 de agost domandes online por stipendiums tla Talia y foradecá
Les domandes online por la conzesciun de n stipendium de stüde y por la retüda dles tasses universitares por l’ann academich 2015/16 podará gní dades jö dai 3 de agost cina ai 30 d’otober dl 2015. Les bandides por i concursc é gnüs aprová dala Junta provinziala sön proposta dl presidënt dla Provinzia Arno Kompatscher.
Les domandes online por la conzesciun de n stipendium y por la retüda dles tasses universitares por l’ann academich 2015/16 podará gní fates dai 3 de agost inant cina ai 30 d’otober dl 2015. Les domandes por i stipendiums por la Talia y foradecá é dan man tres le sorvisc E-Government.
Por ti rové pormez al sorvisc e-government vëgn l’identificaziun dles studëntes y di studënc fata cun la cherta di sorvisc provinziala. Chësta mëss gní ativata te comun. Por de plü informaziuns sön la cherta di sorvisc provinziala, l'ativaziun y l'adoranza pon cherdé sö le numer vërt 800 816 836 o ciarè sön internet: http://www.provinz.bz.it/buergerkarte.
Sce les studëntes y i studënc á bele n account personal metü adöm dal inom utënt y dala password, relascé dal Ofize Promoziun dl stüde pól gní adoré inant le medemo account. Les studëntes y i studënc che n’á nia la cherta di sorvisc provinziala sciafia da damané do n account zertifiché pro l’Ofize Promoziun dl stüde. De plü informaziuns é da ciafé pro l’Ofize Promoziun dl stüde al numer 0471 412927 por che che stüdia tla provinzia de Balsan y al numer 0471 412941 por che che stüdia defora dla provinzia de Balsan.
Pornanche la domanda é gnüda scrita fora online y ortiada inant ciafon na confermaziun tres e-mail. Les studëntes y i studënc é dër bel periá da controlé sce la e-mail röia adalerch. Sce an ne ciafa nia n avis de confermaziun pón cherdé sö l’Ofize provinzial Promoziun dl stüde universitar, Université y Inrescida al numer de telefonn 0471 412926 (universités defora dl Südtirol), 0471 412946 (Université da Balsan).
La bandida dl concurs sciöche ince informaziuns plü monüdes pón ciafé te internet tlican chiló. Plü informaziuns pón ince ciafé por todësch y/o talian
rc
