Atualità
Euregio – plata internet dla Gran Vera:la relaziun danter i films y la vera
Di films sciöche mesi de propaganda nen vara danter l'ater pro les trëi domandes de lugio publicades da püch sön le portal web dl’Euregio dediché ala Pröma Vera Mondiala. Da ciafé é les trëi domandes cun sües respostes sön la plata internet www.14-18.europaregion.info tla seziun „Let’s talk“.
La prozesciun da plüra por l’arzidüca Franz Ferdinand, la vera tles Alpes, les batalies sön le front de vera franzej, soldas americans che süga a basket y che fej le bagn sön le lech dl Garda, le iade zoruch di soldas feris te vera: registraziuns da film storiches é documentaziuns de valüta di avenimënc tratan la Pröma Vera Mondiala.
Les domandes dl mëis de lugio dla plata internet dedicada aposta ala Gran Vera baia insciö dl’importanza dl ann 1914 por i films y le cinema en general, dla vijinanza ala realté dles documentaziuns realisades ti agn 1914-1918 y dl rode di „Signal Corps“. Da lí do plü avisa sot a: www.14-18.europaregion.info.
Por düc chi che é interessá a films y documentaziuns da vera él da aconsié na vijita ala „Galaria die Piedicastello“ a Trënt, olache an pó odëi documentaziuns talianes, europeiches y internazionales. Informaziuns plü monüdes pon ciafé sot a: www.legallerie.tn.it/
rc
