Gastronomia

Dai 26 d’otober velel aladô dl'ordinanza dl presidënt dla Provinzia nöia chëstes desposiziuns y chisc consëis, desvian dales desposiziuns statales:

• i bars mëss stlü dales 20.00 y i restauranc dales 22.00;
• dales 18.00 inant pón ma consumé da mangé y da bëre sce an s'á senté jö;
• dales 18.00 inant ne pón consumé plü nia impé - sides dlungia i restauranc che sön plazes y strades publiches;
• en general pól se senté jö pro mësa alplü cater porsones, ater co sce al é porsones che vir adöm tla medema ciasa;
• pro evënc y manifestaziuns publics, cun lapró i marciá, él proibí da dé fora da mangé y da bëre, sides daite che alaleria.

Les mosöres vel por vigni forma de eserzize de soministraziun de cëis y boandes, ince tl cheder dl’ativité de alojamënt.

Por les ativités de restoraziun vëgnel apliché impede la regola dl 1/5 chëstes limitaziuns:

• tl local ne pól nia ester de plü porsones co che al ne n’é posć da se senté. Ti eserzizi olache al vëgn dé fora da bëre, vëgnel ince cumpedé lapró i posć impé - un n meter dainciará un dal ater - pro banco;
• les mëses mëss ester arjignades ca a na moda che ara vais da sté 1 n meter dainciará, ater co pro porsones che vir adöm;
  
• chëstes destanzes pó ne gní nia respetades te dötes les direziuns (un dan dal ater, un dlungia l'ater, y i.i.), sce al é injins de spartiziun adatá danter les porsones;
• düc i locai olache la jënt pó pormez, mëss mëte fora al'entrada le numer mascimal de porsones che pó ite.

Pro les ciastagnades velel la regola de 1/4

• Pro les ciastagnades daite él da respeté les regoles de segurëza varëntes y la regola de öna na porsona vigni cater metri cuadrac.
• Pro les ativités de restoraziun di lüsc da paur, sciöche ince dles stües y cianoes tradizionales, mëssel gní taché fora pro l’entrada tan de porsones che al pó ester alplü daite tl medemo momënt.

Regoles generales

• Les mëses, les massaries y i injins de spartiziun danter les porsones mëss gní lavá y dejinfetá do che vigni cliënt s’un é jü.
• Ti eserzizi de soministraziun di pasć vëgnel aconsié da prenoté.
• La consumaziun y la soministraziun pro banco vëgn ma conzedüda, sce al vëgn respeté la destanza de n meter danter n cliënt y l’ater, o sce al é preodü injins de spartiziun adatá che impedësc l’infeziun da gotes.
• I cliënc mëss tres se stopé la bocia y le nes, atre co pro mësa o pro banco por le tëmp che vá debojëgn por bëre y mangé.
• Sce an vá instësc a se do da mangé pro le buffet mësson se vistí la maschera y se dejinfeté les mans naota.
• An mëss se dejinfeté les mans denanco jí te closet y do che an é jüs te closet.
• Le personal che sorvësc mëss se vistí na maschera chirurgiga. Dötes les atres colaboradësses y düc i atri colaboradus mëss se vistí daite na maschera chirurgica sce al é d'atres porsones iló, bel anfat tan dainciará che ai stá.
• Le personal pó ma lauré zënza maschera sce al é su te n local.

De plü informaziuns

De plü informaziuns é da ciafé pro le Raiun funzional Turism.