Istituc culturai

Istituc culturai
Istitut Ladin Micurá de Rü

Tl raiun dles Dolomites él indöt trëi Istituc culturai ladins. Tl Südtirol él dal 1976 incá atif l'Istitut cultural ladin "Micurá de Rü", tl Trentin le Istitut cultural ladin "Majon di Fascegn" y a Souramont le Istitut cultural ladin "Cesa de Jan".

Istitut Ladin "Micurá de Rü"

L'Istitut Ladin Micurá de Rü é gnü metü sö tres lege provinziala nr. 27 dl 31.07.1976. Ai 03.09.1977 á l'Istitut metü man ofizialmënter süa ativité. L'idea de n Istitut Ladin por i Ladins dla Provinzia de Balsan é nasciüda tl gremium dl'AGT (Arbeitsgemeinschaft Tirol). Te deplü sentades – oramai dötes tignides a Porsenú – él gnü fat fora le program dl Istitut, y an é spo stá bugn de ciafé le sostëgn dl'autorité politica por la realisaziun de chësta istituziun. Les finalités dl Istitut é:

  • studié a livel scientifich lingaz, storia y cultura di Ladins dles Dolomites, lauran adöm cun universités y istituc spezialisá nazionai y da foradecá y cun d'atres uniuns culturales che á i medemi fins. Le mioramënt dl ladin scrit y baié dess, sce ara vá, gní metü a jí en colaboraziun cun le Departimënt Educaziun y cultura ladina
  • mantigní, defëne y fá crësce la cultura, les usanzes y les tradiziuns, l'ert, le cianté di Ladins y dé forza al mantignimënt dl lingaz scrit y baié tres i mesi de informaziun, les publicaziuns, les manifestaziuns culturales
  • mëte sö n archif cun documënc, fotos y registraziuns sön vëta;
  • pité na biblioteca spezialisada por stüdi ladins;
  • renforzé l lian danter i Ladins dles Dolomites, di Grijuns y dl Friul.

Informaziuns: https://www.micura.it (Link extern)

Istitut Ladin "Majon di Fascegn"

Informaziuns: www.istladin.net/it/home (Link extern)

Istitut Cultural Ladin "Cesa de Jan"

Informaziuns: https://www.istitutoladino.org (Link extern)