Cöie i ciüfs sön ur de strada
Pinsiers en recort de Silvius Magnago
Tla vita de Silvius Magnago se respidlëia les esperiënzes plënes de dolur dla separaziun dl Südtirol dal'Austria, dles ditatöres dl fascism y dl nazionalsozialism, sciöche ince dla secunda vera dl monn. Al á sintí sön so corp les conseguënzes dl sënn y dla violënza. Porchël ê Magnago, sciöche tröc che â messü vire la vera, sigü: mai plü vera! Chësc credo á, avisa sciöche ince süa perseveranza, süa inteligënza, süa integrité y süa scerieté, caraterisé so impëgn politich por le Südtirol.
Silvius Magnago romagn de tröc versc n ejëmpl: l'independënza dl Südtirol y l’uniun dla sozieté é sëgn plü co mai temesc importanc. Plü co mai orunse y desson se dé da fá por la dërta mosöra, por n comportamënt respetus devers dles atres porsones y por n tru che nes condüj cun crëta devers le dagní.
Le gran förtl da contraté de Magnago, por chël che al ê conesciü y gnô stimé a Balsan, Trënt y Roma, descriô Silvius Magnago instës sovënz cun l'espresciun „cöie i ciüfs sön ur de strada“. Cun chësc minâ le politich dla provinzia reconesciü, che an dess dagnora s'anuzé dles bones ocajiuns, mo mantigní tres la medema linia, an ne dess mai perde le „fi cöce“ y tigní sön i valurs.
Silvius Magnago (1914 - 2010)
