Ocupaziun temporana dla Plaza Silvius Magnago

Ocupaziun temporana dla Plaza Silvius Magnago

Descriziun generala

Les organisaziuns che rapresentëia i interesc de döta la popolaziun pó damané le Secretariat general dla Provinzia da ocupé temporaneamënter la Plaza Silvius Magnago por mëte a jí manifestaziuns cun le fin da dé messaji ales istituziuns rapresentades ti palac incër la plaza ia.

Al ne ti vëgn nia conzedü da adoré la plaza a che che fej domanda da organisé manifestaziuns ma por sü comëmbri o simpatisanc.

Condiziuns d’azes

L’adoranza dla plaza da pert de sogec che ne fej nia pert dl’aministraziun vëgn ma conzedüda ti dis da laur (dal lönesc al vëndres).

Tratan l’adoranza dla Plaza Silvius Magnago, che á n carater de rapresentanza particolar por les istituziuns provinziales, él da garantí l'ordin, che düc se comportes cun cherianza y che al ne vëgnes nia ajié la plaza.

Cun la presentaziun dla domanda se tol dant la porsona che fej domanda da ti lascé alsavëi che ara mët a jí na manifestaziun publica ala Cuestöra de Balsan y da se tigní a sües desposiziuns.

Porvia dla pandemia da Covid-19 pó les manifestaziuns ma gní tignides te na forma statica y an mëss a vigni moda se vistí la maschera y respeté la destanza de segurëza.

Documënc che vá debojëgn

  • Regolamënt d'adoranza por l'autorisaziun de ocupaziun temporana dla Plaza Silvius Magnago
  • Copia de n documënt d'identité varënt

Referimënt a normes de lege

L'adoranza dla Plaza Silvius Magnago vëgn regolamentada dala deliberaziun dla Junta provinziala di 04.06.2021, n. 426.

Implü vëgnel apliché les desposiziuns dl Test unich sön la segurëza publica aprové cun d.r. 773/1931 (dantadöt l'art. 18).

Formulars y injuntes